खडकी | प्रतिनिधी : 28 जानेवारी 2026 महाराष्ट्राचे उपमुख्यमंत्री तसेच पुण्याचे पालक मंत्री स्वर्गीय अजितदादा पवार यांच्या अपघाती दुःखद निधनाच्या बातमीने संपूर्ण महाराष्ट्रात शोककळा पसरली असून, त्याचे तीव्र पडसाद पुणे शहरात उमटत आहेत. या पार्श्वभूमीवर खडकी परिसरातील सर्व राजकीय पक्षांच्या वतीने खडकी बाजार बंदची हाक देण्यात आली आहे.
या आवाहनाला खडकी बाजारातील व्यापारी, दुकानदार आणि व्यावसायिकांनी स्वयंस्फूर्तीने उत्स्फूर्त प्रतिसाद दिला आहे. खडकीतील बहुसंख्य दुकाने आज संपूर्ण दिवस बंद ठेवण्यात येणार असून, महाराष्ट्राने एक कणखर, स्पष्टवक्ते आणि विकासाभिमुख नेता गमावल्याच्या दुःखात आपण सहभागी असल्याची भावना दुकानदारांनी व्यक्त केली आहे.
अजितदादा पवार यांनी आपल्या प्रदीर्घ राजकीय कारकिर्दीत राज्याच्या विकासासाठी तसेच पुणे जिल्ह्याच्या प्रगतीसाठी महत्त्वपूर्ण योगदान दिले. जनतेच्या प्रश्नांसाठी आक्रमक भूमिका, ठाम निर्णयक्षमता आणि प्रशासकीय अनुभव यासाठी ते ओळखले जात होते. त्यांच्या अचानक जाण्याने राजकीय क्षेत्रासह सर्वसामान्य जनतेत मोठी पोकळी निर्माण झाली आहे.
खडकी परिसरात दिवसभर शोकमय वातावरण असून नागरिक, व्यापारी, सामाजिक कार्यकर्ते आणि विविध संघटनांकडून भावपूर्ण श्रद्धांजली अर्पण करण्यात येत आहे.
■ ईश्वर त्यांच्या आत्म्यास शांती देवो व त्यांच्या कुटुंबीयांना हे दुःख सहन करण्याचे बळ देवो, हीच प्रार्थना.
शोकाकुल :
सर्व पक्षीय व समस्त खडकी नागरिक व
पुणे पीसीएमसी न्यूज 24.live
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
