खडकी / प्रतिनिधी : दि. १६ डिसेंबर २०२५ खडकी कॅन्टोन्मेंट बोर्डाच्या हद्दीत ज्या इमारतींवर मोबाइल टॉवर बसवण्यात आले आहेत, त्या सर्व इमारत मालकांना व संबंधित मोबाइल कंपन्यांना कॅन्टोन्मेंट बोर्डाच्या वतीने नोटीस बजावण्यात येत आहे. या नोटीसीद्वारे सात दिवसांच्या आत संबंधित इमारतीचे स्ट्रक्चर ऑडिट करून इमारत टॉवरचा भार झेपू शकते का याबाबतचे प्रमाणपत्र (सर्टिफिकेट) सादर करण्याचे आदेश देण्यात आले आहेत. तसेच, मोबाइल कंपनीसोबत करण्यात आलेल्या कराराची प्रत देखील कॅन्टोन्मेंट बोर्डाकडे सादर करणे बंधनकारक करण्यात आले आहे. अन्यथा कायदेशीर कारवाई करण्यात येईल, असा इशाराही नोटीसीत देण्यात आला आहे.
खडकी बाजार परिसरात मोठ्या प्रमाणावर जुन्या तसेच धोकादायक अवस्थेतील इमारती असून, अशा इमारतींवर मोबाइल टॉवर बसवण्यात आल्याने नागरिकांच्या सुरक्षिततेचा प्रश्न निर्माण झाला आहे. याच पार्श्वभूमीवर खडकीतील सामाजिक कार्यकर्ते अभिजीत गडांकुश यांनी मोबाइल टॉवरच्या विरोधात खडकी कॅन्टोन्मेंट बोर्ड कार्यालयासमोर उपोषण केले होते.
याबाबत माहिती देताना खडकी कॅन्टोन्मेंट बोर्डाच्या अतिक्रमण अधिकारी स्वप्नाली देशमुख यांनी सांगितले की, “खडकी बाजार व कॅन्टोन्मेंट हद्दीतील ज्या इमारतींवर मोबाइल टॉवर बसवण्यात आले आहेत, त्या सर्व इमारत मालकांकडून इमारतीचा स्ट्रक्चर ऑडिट रिपोर्ट व मोबाइल कंपनीसोबत झालेल्या कराराची प्रत नोटीसीद्वारे मागवण्यात येत आहे. तसेच संबंधित मोबाइल कंपन्यांनाही बोर्डाच्या वतीने नोटीस देण्यात येत आहे.”
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
