प्रकरणी गुन्हा दाखल; पोलिस तपास सुरू, नागरिकांनी कायदा व सुव्यवस्था राखण्यासाठी सहकार्य करण्याचे आवाहन.
खडकी | प्रतिनिधी : दि. २२ जून २०२६ : खडकी बाजार परिसरातील दर्गाह वसाहत भागात घडलेल्या दगडफेक व तोडफोडीच्या घटनेबाबत मिस फरहा चॅरिटेबल फाउंडेशनने तीव्र निषेध व्यक्त केला असून नागरिकांनी शांतता राखून प्रशासनाला सहकार्य करण्याचे आवाहन केले आहे.
मिळालेल्या माहितीनुसार, परिसरात काही समाजकंटकांकडून गोंधळ निर्माण झाल्याने तणावपूर्ण परिस्थिती निर्माण झाली होती. घटनेची माहिती मिळताच खडकी पोलिसांनी तातडीने घटनास्थळी धाव घेत परिस्थिती नियंत्रणात आणली.
या प्रकरणी खडकी पोलीस ठाण्यात गुन्हा दाखल करण्यात आला असून पोलिसांकडून तपास सुरू आहे. काही संशयितांना ताब्यात घेऊन चौकशी करण्यात येत असल्याची माहिती समोर आली आहे. तसेच घटनेत सहभागी असलेल्या इतर व्यक्तींचा शोध घेण्याचे काम सुरू असल्याचे सांगण्यात आले.
मिस फरहा चॅरिटेबल फाउंडेशनचे संचालक अन्वर शेख यांनी या घटनेचा निषेध करताना सांगितले की, खडकी आणि पुणे शहर हे सामाजिक सलोखा, बंधुभाव आणि विविधतेत एकता यासाठी ओळखले जाते. अशा घटना समाजातील ऐक्याला धक्का देणाऱ्या असून कोणत्याही प्रकारची हिंसा किंवा द्वेषपूर्ण कृत्ये स्वीकारार्ह नाहीत.
फाउंडेशनने नागरिकांना अफवा, अपप्रचार किंवा सोशल मीडियावरील भडकाऊ संदेशांपासून दूर राहण्याचे आवाहन केले आहे. कोणतीही माहिती अधिकृत स्रोतांकडूनच पडताळून घ्यावी तसेच कायदा हातात न घेता पोलिस प्रशासनाला सहकार्य करावे, असेही आवाहन करण्यात आले.
दरम्यान, पोलिसांकडून घटनेचा तपास सुरू असून कायद्यानुसार पुढील कार्यवाही करण्यात येत आहे.
“हिंसेला नकार, शांततेला स्वीकार; द्वेषाला नकार, बंधुभावाला आधार”, असा संदेश यावेळी देण्यात आला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
