बालगंधर्व रंगमंदिर वर्धापनदिन महोत्सव २०२६ निमित्त सन्मान; २५ जून रोजी पुरस्कार प्रदान
पुणे | प्रतिनिधी : दि. 20 जून 2026 बालगंधर्व परिवार ट्रस्ट, महाराष्ट्र आयोजित बालगंधर्व रंगमंदिर वर्धापनदिन महोत्सव २०२६ निमित्त ज्येष्ठ तबलावादक व ऑर्केस्ट्रा क्षेत्रातील मान्यवर कलाकार विजय भोंडे यांची प्रतिष्ठेच्या ‘बालगंधर्व परिवार पुरस्कार’ साठी निवड करण्यात आली आहे.
ट्रस्टचे अध्यक्ष मेघराज राजेभोसले यांनी दिलेल्या पत्रानुसार, बालगंधर्व रंगमंदिर हे महाराष्ट्रातील कलाकारांच्या मनातील एक आदरस्थान असून रंगभूमी, संगीत व विविध कलाक्षेत्राशी संबंधित असलेल्या प्रत्येकासाठी त्याला विशेष महत्त्व आहे. गेली ५८ वर्षे दिमाखात उभ्या असलेल्या या वास्तूचा वर्धापन दिन महोत्सव २४, २५ व २६ जून २०२६ या कालावधीत साजरा केला जाणार आहे.
या तीन दिवसीय महोत्सवात नाटक, तमाशा, लावणी, लोकधारा, ऑर्केस्ट्रा, मराठी वाद्यवृंद, कलापथक, शाहीरी, झाडीपट्टी कलाकार, कोकण दशावतारी कलाकार, वाघ्या -मुरळी, गोंधळी, जादूगार, भजनी मंडळे, भारूड तसेच आदिवासी कलावंत आदी विविध कलाक्षेत्रांतील कलाकार सहभागी होणार आहेत. कोणताही भेदभाव नसलेले हे एक सांस्कृतिक संमेलन मानले जाते.
बालगंधर्व रंगमंदिर वर्धापनदिनानिमित्त विविध कलांच्या सादरीकरणासोबतच अनेक ज्येष्ठ व मन्यवर कलाकारांचा गौरव करण्यात येणार आहे. कला क्षेत्रासाठी दिलेल्या उल्लेखनीय योगदानाची दखल घेत विजय भोंडे यांची बालगंधर्व परिवार पुरस्कारासाठी निवड करण्यात आली आहे.
सदर पुरस्कार वितरण सोहळा दि. २५ जून २०२६ रोजी रात्री ९.३० वाजता आयोजित करण्यात येणार आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
