पुणे पीसीएमसी न्यूज 24:Live
डॉ. केशव क्षीरसागर यांच्या नेतृत्वाखाली रिक्षा संघटनेचे आंदोलन तीव्र, ओला-उबर दरकपातीसह बाईक-टॅक्सीवर नियंत्रणाची मागणी
मुंबई : पुणे पीसीएमसी न्यूज नेटवर्क : ॲप-आधारित ओला-उबर कंपन्यांच्या मनमानी धोरणांविरोधात आणि बाईक-टॅक्सी सेवांच्या वाढत्या प्रभावामुळे रिक्षा-टॅक्सी चालक संतप्त झाले आहेत. रिक्षावाला संघटनेचे अध्यक्ष डॉ. केशव क्षीरसागर यांच्या नेतृत्वाखाली गुरुवार ता. १८ सरप्टेंबर परिवहन आयुक्त कार्यालयासमोर बॅनरबाजी करून निदर्शने करण्यात आली.
या वेळी चालकांनी सरकार व परिवहन विभागाविरोधात घोषणाबाजी करत तातडीने निर्णय घेण्याची मागणी केली. “दररोज वाढणारे इंधन, देखभाल खर्च आणि ॲप-कंपन्यांचे हुकूमशाही नियम यामुळे चालकांचा व्यवसाय धोक्यात आला आहे. आमच्या मागण्यांकडे दुर्लक्ष झाले तर ३० सप्टेंबरला संपूर्ण महाराष्ट्रात मोठ्या आंदोलनाला सुरुवात करू,” असा इशारा डॉ. क्षीरसागर यांनी दिला.
यावेळी मोठ्या संख्येने जमलेल्या कॅब, रिक्षा व टॅक्सी चालकांनी ‘टेस्ला मंत्री हाय हाय ‘अशा घोषणा देऊन परिवहनमंत्र्यांचा निषेध केला
तसेच राज्यातील लाखो रिक्षा आणि चालक शासनाचा निषेध करण्यासाठी व 30 सप्टेंबर च्या आंदोलनाचे जनजागृती करण्यासाठी त्यांच्या वाहनांवर खालील प्रकारे स्टिकर्स लावतील.
प्रमुख मागण्या
प्रत्येक प्रवासासाठी किमान भाडे निश्चित करणे
आरटीओने ठरवलेले दर ॲप-कंपन्यांनी सक्तीने लागू करणे
चालकांसाठी ‘कल्याणकारी मंडळ’ स्थापन करणे
रॅपिडो व इतर बाईक-टॅक्सी सेवांवर त्वरित नियंत्रण आणणे
या आंदोलनाचा परिणाम मुंबई, पुणे, नागपूरसह इतर शहरांमध्ये होण्याची शक्यता आहे. ३० सप्टेंबर रोजी कामबंद/चक्का जामसारखे तीव्र आंदोलन झाल्यास सामान्य प्रवाशांना मोठा फटका बसणार आहे. प्रशासनाने तोपर्यंत ठोस भूमिका घेतली नाही तर संघर्ष तीव्र करण्याचा इशारा संघटनेने दिला आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
