पुणे पीसीएमसी न्यूज 24:Live
हिंजवडी / प्रतिनिधी
आयटी नगरी हिंजवडी परिसरातील दैनंदिन वाहतूक कोंडी कमी करण्यासाठी पिंपरी-चिंचवड पोलिसांनी मोठा निर्णय घेतला आहे. हिंजवडी-वाकड उड्डाणपुलावर सकाळी ८ ते ११ आणि संध्याकाळी ५ ते ९ या वेळेत दुचाकींना प्रवेश बंदी लागू करण्यात आली आहे.
या निर्णयामुळे कार व इतर चारचाकी वाहनांचा वेग सुरळीत करण्यास मदत होईल, असा पोलिसांचा विश्वास आहे. उड्डाणपुलाचा रस्ता तीन लेन असला तरी प्रवेश व पूल संपण्याच्या ठिकाणी मार्ग अरुंद होतो. त्यामुळे वाहनांची गती हळू होऊन मोठी वाहतूक कोंडी होते.
दुचाकीस्वारांसाठी पर्यायी म्हणून जवळपास ३०० मीटर अंतरावर असलेल्या टीप टॉप हॉटेल जवळ असलेल्या अंडरपास चा वापर करण्याची सोय करण्यात आली आहे. मात्र, काही दुचाकीस्वारांनी या अंडरपास रस्त्यांच्या देखभालीबाबत तक्रारी केल्या असून खड्डे व अरुंद मार्गामुळे त्रास होत असल्याची नाराजी व्यक्त केली आहे.
पोलिसांनी हा निर्णय सध्या प्रायोगिक तत्त्वावर घेतला असून पुढील काही दिवस वाहतुकीची स्थिती पाहून कायमस्वरूपी बंदी लावायची की नाही याबाबत निर्णय घेण्यात येणार आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
