पुणे | प्रतिनिधी : दि. 13 मे 2026
अखिल भारतीय ब्राम्हण महासंघाच्या वतीने पुण्यातील स्वारगेट येथील गणेश कला क्रीडा मंच येथे भव्य ब्राम्हण मेळाव्याचे आयोजन करण्यात आले होते. समाजातील विविध क्षेत्रांमध्ये उल्लेखनीय कार्य करणाऱ्या मान्यवरांच्या उपस्थितीत हा मेळावा उत्साहपूर्ण वातावरणात पार पडला.
या मेळाव्यात महासंघाचे राष्ट्रीय अध्यक्ष गोविंद कुलकर्णी, प्रदेशाध्यक्ष निखिल लातूरकर तसेच राष्ट्रीय महिला आघाडी अध्यक्षा मोहिनी पत्की यांच्या हस्ते बुलढाणा जिल्ह्यातील प्रतीक्षा कुलकर्णी यांना नियुक्तीपत्र प्रदान करून अखिल भारतीय ब्राम्हण महासंघाच्या महिला आघाडीच्या बुलढाणा जिल्हा उपाध्यक्षपदाची जबाबदारी सोपविण्यात आली.
कार्यक्रमादरम्यान समाजातील विविध क्षेत्रांत उल्लेखनीय योगदान देणाऱ्या मान्यवरांचा महासंघाच्या वतीने सन्मान करण्यात आला. त्यामध्ये मोहन दाते (दाते पंचांग), सुनीता चितळे (चितळे उद्योग समूह), देवराज धर्मावत (धर्मावत समूह), प्रशांत दामले (सिने अभिनेते) तसेच परीक्षित प्रभु देसाई (व्हाइस चेअरमन, पितांबरी कंपनी) यांचा समावेश होता.
या भव्य सोहळ्यास उच्च व तंत्र शिक्षण मंत्री चंद्रकांत दादा पाटील, राज्यसभा खासदार मेधाताई कुलकर्णी, महंत श्री सुधीर दास महाराज (काळाराम मंदिर, नाशिक) तसेच गौरी कानिटकर (अनुरूप विवाह संस्था) यांची विशेष उपस्थिती लाभली.
समाज एकजूट, संस्कृती संवर्धन आणि सामाजिक बांधिलकीचा संदेश देणारा हा मेळावा मोठ्या उत्साहात आणि दिमाखात संपन्न झाला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
