९ लाखांची बक्षिसे, ३ बुलेट गाड्यांचा जल्लोष; केदार जाधव, आमदार शंकर जगताप यांच्या उपस्थितीत नवी सांगवीत क्रिकेट महोत्सवाचा थाटात समारोप
पिंपळे गुरव | प्रतिनिधी : दि. २५ एप्रिल २०२६ पिंपरी-चिंचवडच्या क्रीडा विश्वातील प्रतिष्ठेची स्पर्धा ठरलेल्या आमदार लक्ष्मणभाऊ जगताप चषक २०२६ या भव्य क्रिकेट स्पर्धेचा सांगता समारंभ नुकताच मोठ्या उत्साहात पार पडला. तब्बल ९ लाख रुपयांची रोख बक्षिसे आणि ३ रॉयल एनफिल्ड बुलेट गाड्या देऊन विजेत्यांचा गौरव करण्यात आला.
या सोहळ्यास आंतरराष्ट्रीय क्रिकेटपटू केदार जाधव, चिंचवडचे आमदार शंकर जगताप तसेच स्पर्धेचे प्रमुख आधारस्तंभ गोसेवक विजयशेठ जगताप यांची प्रमुख उपस्थिती लाभली.
संपूर्ण स्पर्धेत आपल्या अष्टपैलू खेळाने छाप पाडणाऱ्या टीम डीपीएसच्या दिग्विजय घंटे याने भव्य ट्रॉफीसह रॉयल एनफिल्ड बुलेट जिंकत “महामानकरी” हा किताब पटकावला. उत्कृष्ट नियोजन, शिस्तबद्ध सामने आणि खेळाडूंच्या जिद्दीमुळे गेल्या ११ वर्षांपासून ही स्पर्धा क्रीडाप्रेमींच्या आकर्षणाचे केंद्र ठरत आहे.
सांगवी–दापोडी–पिंपळे गुरव प्रीमियर लीग गट
या गटात शुभम दादा स्पोर्ट्स फाउंडेशन (नवी सांगवी) संघाने दमदार खेळ करत विजेतेपद पटकावले. एस.एस. जनरेटर्स (पिंपळे गुरव) द्वितीय, सहजयोग ग्रुप ११ (पिंपळे गुरव) तृतीय क्रमांकावर राहिले.
एम.एन.सी. पिंपळे गुरव व शिवाय वॉरियर्स यांनी अनुक्रमे चौथा व पाचवा क्रमांक मिळवला.
वैयक्तिक पुरस्कारांमध्ये हार्मिक चव्हाण उत्कृष्ट गोलंदाज, ओमकार काशीद उत्कृष्ट फलंदाज ठरले. शैलेंद्र उर्फ सनी कसबे याला मालिकावीर म्हणून बुलेट गाडी देण्यात आली.
पुणे टेनिस क्रिकेट नियामक मंडळ व ‘एक आमदार एक संघ’ गट
या गटात शिरूरच्या यशवंत भाऊ पाचंगे स्पोर्ट्स फाउंडेशनने विजेतेपद मिळवले. मोहोळच्या ज्ञानेश्वरी इलेव्हनने द्वितीय, तर हडपसरच्या मातोश्री ११ ने तृतीय क्रमांक पटकावला.
या गटात आसिफ शेख उत्कृष्ट गोलंदाज, पप्पू तोडकर उत्कृष्ट फलंदाज ठरले. मोहोळच्या प्रथमेश राठोडला मालिकावीर किताबासह बुलेट गाडी देऊन सन्मानित करण्यात आले.
पिंपरी-चिंचवड टेनिस बॉल क्रिकेट असोसिएशन गट
कासारवाडीच्या संडे ११ संघाने प्रथम क्रमांक मिळवला. नॉकआऊट ११ (रुपीनगर) द्वितीय, समीर रबर तृतीय आणि गेम स्विंगर चतुर्थ क्रमांकावर राहिले.
स्पर्धेच्या निमित्ताने केवळ क्रिकेटच नव्हे, तर शिस्त, संघभावना आणि जिद्दीचे उत्कृष्ट दर्शन घडले. सर्व विजेत्या संघ आणि खेळाडूंचे अभिनंदन करत पुढील वर्षी अधिक भव्य स्वरूपात स्पर्धा आयोजित करण्याचा निर्धार आयोजकांनी व्यक्त केला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
