पुणे | हरीश शर्मा : दि. १५ एप्रिल २०२६
१ मे पासून रिक्षाचालकांसाठी मराठी भाषेची सक्ती करण्याच्या परिवहन मंत्रालयाच्या निर्णयाचे एका बाजूला स्वागत होत असताना, दुसऱ्या बाजूला या निर्णयावर तीव्र नाराजी व्यक्त होत आहे. महाराष्ट्र कामगार सभाचे अध्यक्ष डॉ. केशव नाना क्षीरसागर यांनी या धोरणावर थेट प्रश्नचिन्ह उपस्थित केले आहे.
“मराठी सक्तीचा निर्णय योग्यच आहे, पण तो फक्त रिक्षाचालकांपुरता मर्यादित का?” असा सवाल करत त्यांनी सरकारवर दुहेरी निकष लावल्याचा आरोप केला आहे.
डॉ. क्षीरसागर यांनी स्पष्टपणे म्हटले की,
“सुरुवात आधी मंत्रीमंडळातील मराठी नीट बोलू किंवा लिहू न शकणाऱ्या सदस्यांपासून करावी.”
“सरकारी कंत्राट घेणारे उद्योजक, तसेच सिनेसृष्टीतील नामवंत कलाकार यांनाही मराठी सक्ती लागू करावी.”
त्यांनी पुढे कडक शब्दांत सरकारवर टीका करत म्हटले की,
“दरवेळी कष्टकरी वर्गालाच लक्ष्य करून राजकीय पोळी भाजण्याचे प्रकार थांबवले पाहिजेत. न्याय सर्वांसाठी समान असला पाहिजे.”
या वक्तव्यामुळे राज्यात नव्या वादाला तोंड फुटण्याची चिन्हे असून, रिक्षाचालक संघटनाही या मुद्द्यावर आक्रमक होण्याची शक्यता व्यक्त केली जात आहे.
दरम्यान, १ मे (महाराष्ट्र दिन) पासून लागू होणाऱ्या या निर्णयामुळे प्रत्यक्षात अंमलबजावणी कशी होणार आणि इतर घटकांवरही ही सक्ती लागू होणार का, याकडे सर्वांचे लक्ष लागले आहे.
आता प्रश्न एकच – मराठी सक्ती सर्वांसाठी की फक्त रिक्षाचालकांसाठी?
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
