रिक्षा, कॅब, ट्रक, टेम्पो व बस चालकांचा सहभाग ; निवासी जिल्हाधिकाऱ्यांना निवेदन सादर
पुणे | प्रतिनिधी : दि. ५ मार्च २०२६ E-चलन प्रणाली तसेच वाहतूक पोलिसांकडून वापरल्या जाणाऱ्या PTP ॲपच्या कथित गैरवापराविरोधात आज विविध परिवहन संघटनांनी एकत्र येत तीव्र आंदोलन छेडले. रिक्षा, कॅब, ट्रक, टेम्पो आणि बस या सर्व क्षेत्रातील चालक- मालकांनी आंदोलनात सहभाग घेत प्रशासनाचे लक्ष वेधले.
या आंदोलनाचे नेतृत्व महाराष्ट्र ट्रान्सपोर्ट ॲक्शन कमिटीने केले. संघटनेच्या वतीने निवासी जिल्हाधिकाऱ्यांना विविध मागण्यांचे निवेदन सादर करण्यात आले. E-चलन प्रक्रियेत पारदर्शकता, PTP ॲपच्या वापराबाबत स्पष्ट नियमावली, तसेच अन्यायकारक कारवाई तात्काळ थांबविण्याची मागणी निवेदनात करण्यात आली आहे.
यावेळी डॉ. केशव नाना क्षीरसागर, नितीन पवार, बाबा शिंदे, किरण देसाई यांच्यासह अनेक पदाधिकारी व चालक प्रतिनिधी उपस्थित होते.
या प्रसंगी बोलताना डॉ. क्षीरसागर यांनी सांगितले की, “वाहतूक क्षेत्रातील कामगारांवर अन्याय होऊ नये, नियम सर्वांसाठी समान असावेत आणि कारवाई पारदर्शक पद्धतीने व्हावी, ही आमची प्रमुख मागणी आहे. मागण्यांकडे प्रशासनाने तातडीने लक्ष द्यावे, अन्यथा पुढील टप्प्यात तीव्र आंदोलन छेडले जाईल.”
दरम्यान, प्रशासनाकडून निवेदनाची दखल घेऊन सकारात्मक निर्णय घेण्याची अपेक्षा आंदोलनकर्त्यांनी व्यक्त केली आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
