खडकी / प्रतिनिधी : दि. ९ डिसेंबर २०२५ येथील जुना वॉर्ड क्रमांक ७ मधील राजमोहन चौक ते ५१२ रोड हा गेल्या अनेक महिन्यांपासून खराब अवस्थेत असून, नागरिकांना मोठ्या गैरसोयीचा सामना करावा लागत आहे. या रस्त्यावर खड्डे पडले असून रस्त्याची चाळण झाली आहे त्यामुळे स्थानिक रहिवाश्यांचे हाल होत आहे.
या समस्येबाबत वार्डातील स्थानिक प्रतिनिधी बोर्डाचे माजी उपाध्यक्ष दुर्योधन भापकर यांनी बोर्डाकडे संबंधित अधिकाऱ्यांकडे पाठपुरावा केला होता. त्यांच्या प्रयत्नानंतर सुमारे २० दिवसांपूर्वी रस्ता दुरुस्तीचे वर्कऑर्डर जारी करण्यात आले. मात्र वर्कऑर्डर देऊनही प्रत्यक्ष कामाला आजतागायत सुरुवातच झाली नसल्याचा आरोप भापकर यांनी केला आहे. भापकर म्हणाले की, “मी वारंवार पाठपुरावा करूनही माझ्या वार्डातील या रस्त्याचे काम जाणूनबुजून थांबवले जात आहे. नागरिकांना या रस्त्यामुळे दररोज त्रास सहन करावा लागतो. प्रशासन जाणूनबुजून कामात दिरंगाई करत आहे. येत्या दोन दिवसांत या रस्त्याचे काम सुरू न झाल्यास नागरिकांना सोबत घेऊन मोठ्या प्रमाणात तीव्र आंदोलन केले जाईल.”
दरम्यान, वार्ड क्रमांक ७ हा खडकी कॅन्टोन्मेंट बोर्डातील महत्त्वाचा वर्दळीचा परिसर असल्यामुळे या रस्त्याचा वापर शाळकरी विद्यार्थी, कामगार ज्येष्ठ नागरिक करत असतात. येथील नागरिकांनीही प्रशासनाविषयी नाराजी व्यक्त करत तात्काळ काम सुरू करण्याची मागणी केली आहे.
आता खडकी कॅन्टोन्मेंट च्या संबंधित विभागाकडून प्रत्यक्ष कामाला कधी सुरुवात होते, याकडे सर्वांचे लक्ष लागले आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
