‘विनायकी : विनायक निम्हण गौरव शिष्यवृत्ती’साठी ऑनलाइन अर्ज सुरू; १५ जुलै अंतिम मुदत

गुणवंत व गरजू विद्यार्थ्यांना उच्च शिक्षणासाठी आर्थिक पाठबळ; ५ ऑगस्ट रोजी बालगंधर्व येथे शिष्यवृत्ती वितरण

पुणे | प्रतिनिधी : दि. 10 जुलै 2026                   स्व. माजी कार्यसम्राट आमदार विनायक (आबा) निम्हण यांच्या जयंतीनिमित्त सोमेश्वर फाउंडेशनच्या वतीने सलग चौथ्या वर्षी आयोजित करण्यात येणाऱ्या ‘विनायकी : विनायक निम्हण गौरव शिष्यवृत्ती’ उपक्रमासाठी ऑनलाइन अर्ज प्रक्रिया सुरू झाली आहे. पात्र व गुणवंत विद्यार्थ्यांनी ५ जुलै ते १५ जुलै २०२६ या कालावधीत www.sunnynimhan.com या संकेतस्थळावर अर्ज करावेत, असे आवाहन नगरसेवक सनी विनायक निम्हण यांनी केले आहे.

स्व. विनायक (आबा) निम्हण यांनी शिक्षण, आरोग्य, कला आणि सामाजिक विकास या क्षेत्रांना नेहमीच प्राधान्य दिले. आर्थिकदृष्ट्या दुर्बल विद्यार्थ्यांचे शिक्षण आर्थिक कारणांमुळे थांबू नये, हा त्यांचा कायम प्रयत्न होता. त्यांच्या याच सामाजिक विचारांचा वारसा जपत सोमेश्वर फाउंडेशनतर्फे विविध शैक्षणिक, सामाजिक आणि आरोग्यविषयक उपक्रम सातत्याने राबविण्यात येत आहेत.

‘विनायकी : विनायक निम्हण गौरव शिष्यवृत्ती’ हा उपक्रम केवळ आर्थिक मदत देणारा नसून विद्यार्थ्यांच्या गुणवत्तेचा गौरव करणारा आणि त्यांच्या शैक्षणिक वाटचालीला नवी दिशा देणारा उपक्रम आहे. पाचवी व आठवीच्या शिष्यवृत्ती परीक्षेला बसलेल्या पण थोडक्यात शिष्यवृत्ती हुकलेल्या विद्यार्थ्यांसह पदवी, पदव्युत्तर, डिप्लोमा, पीएच.डी., तसेच आर्ट्स, सायन्स, कॉमर्स, मेडिकल, इंजिनिअरिंग, आर्किटेक्चर, कृषी, फार्मसी, मॅनेजमेंट, लॉ आणि जर्नालिझम अशा विविध शाखांतील गुणवंत व गरजू विद्यार्थ्यांना या योजनेचा लाभ दिला जाणार आहे.

गेल्या तीन वर्षांत या उपक्रमाला विद्यार्थी, पालक आणि शिक्षण क्षेत्रातून उत्स्फूर्त प्रतिसाद मिळाला असून अनेक विद्यार्थ्यांच्या उच्च शिक्षणाला या शिष्यवृत्तीमुळे आर्थिक आधार मिळाला आहे. यंदाही अधिकाधिक विद्यार्थ्यांपर्यंत या उपक्रमाचा लाभ पोहोचावा, यासाठी अर्ज प्रक्रिया पूर्णपणे ऑनलाइन ठेवण्यात आली आहे.

ऑनलाइन अर्ज केल्यानंतर पात्र विद्यार्थ्यांच्या मुलाखती १८, १९ आणि २६ जुलै २०२६ रोजी सोमेश्वर फाउंडेशन कार्यालय, शिवाजीनगर येथे घेण्यात येणार आहेत. निवड झालेल्या विद्यार्थ्यांचा गौरव ५ ऑगस्ट २०२६ रोजी सायंकाळी ५ वाजता बालगंधर्व रंगमंदिर, पुणे येथे आयोजित भव्य शिष्यवृत्ती वितरण समारंभात मान्यवरांच्या हस्ते करण्यात येणार आहे.

“झेप तुमची… साथ आमची!” या ब्रीदवाक्याखाली राबविण्यात येणाऱ्या या उपक्रमासाठी पात्र विद्यार्थ्यांनी अंतिम मुदतीची वाट न पाहता तात्काळ ऑनलाइन अर्ज करावा, तसेच पालक, शिक्षक, महाविद्यालये, शैक्षणिक संस्था आणि सामाजिक संघटनांनी ही माहिती अधिकाधिक विद्यार्थ्यांपर्यंत पोहोचवून गुणवंत व गरजू विद्यार्थ्यांना या संधीचा लाभ मिळवून द्यावा, असे आवाहन नगरसेवक सनी विनायक निम्हण यांनी केले आहे.

महत्त्वाची माहिती :

• ऑनलाइन अर्ज कालावधी : ५ जुलै ते १५ जुलै २०२६
• संकेतस्थळ : www.sunnynimhan.com
• संपर्क : 8308 123 555

पुणे पीसीएमसी न्यूज

मुख्य संपादक – हरीश शर्मा.

नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏