पुणे पीसीएमसी न्यूज 24:Live
पिंपरी : जग आधुनिकतेकडे झपाट्याने प्रगती करत आहे आपला भारत देश ही ‘डिजिटल इंडिया’ पूर्णत्वावर आहे मात्र हे सर्व होत असताना आपल्या जीवनात ‘मोबाईल’ हा अविभाज्य घटक बनला आहे. मोबाईल शिवाय आपण कोणतेही काम करू शकत नाही पूर्वी माणसाच्या जीवनासाठी ‘ अन्न, वस्त्र ,निवारा ‘ या मूलभूत गरजा समजल्या जात होत्या आता मात्र त्यात मोबाईल ही एक गरज आहे असे म्हणल्यास वावगे ठरणार नाही. मात्र या मोबाईल चे जेवढे फायदे आहेत तेवढेच तोटे ही , याच विषयावर मराठी विज्ञान परिषद पुणे विभाग, विद्यार्थी सहाय्यक समिती पुणे, पिंपरी चिंचवड सायन्स पार्क आणि इनरव्हील क्लब ऑफ पुणे विंग्ज यांच्या संयुक्त विद्यमाने आयोजित करण्यात आलेल्या ‘ नवे आव्हान बालकांपासून थोरांपर्यंत ‘ या आंतरशालेय व आंतरमहाविद्यालयीन पोस्टर प्रदर्शन स्पर्धा घेण्यात आली होती त्याची अंतिम फेरी नुकतीच उत्साहात पार पडली.
या स्पर्धेत अनेक शाळा व महाविद्यालयांनी सहभाग घेतला. विद्यार्थ्यांनी “मोबाईलच्या व्यसनाचे फायदे आणि तोटे” या विषयावर कल्पकतेने विचार मांडत समाजामध्ये जनजागृती घडवून आणण्याचा प्रभावी प्रयत्न केला. रंग, रेषा व शब्दांच्या माध्यमातून विद्यार्थ्यांनी तयार केलेल्या पोस्टर्सनी प्रेक्षकांना विचार करायला भाग पाडले.
स्पर्धेतील विजेत्या विद्यार्थ्यांना इनरव्हील क्लब ऑफ पुणे विंग्ज तर्फे आकर्षक स्मृतिचिन्ह प्रदान करण्यात आल्या. या उपक्रमास शिक्षक, पालक व समाजातील विविध घटकांनी उत्स्फूर्त प्रतिसाद दिला.
संपूर्ण कार्यक्रमाने विद्यार्थ्यांची सर्जनशीलता, सामाजिक जाणिवा आणि विज्ञाननिष्ठ दृष्टिकोन यांना वाव मिळवून दिला.
या कार्यक्रमासाठी पिंपरी चिंचवड सायन्स पार्क चे संचालक तुपे, मविप चे पदाधिकारी, पुणे विंग्ज क्लब च्या प्रेसिडेंट उज्ज्वला नवले, सेक्रेटरी सुविधा नाईक आणि इतर सदस्य उपस्थित होते.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
