पुणे पीसीएमसी न्यूज 24: खडकी / प्रतिनिधी
अमेरिकेचे राष्ट्राध्यक्ष डोनाल्ड ट्रम्प यांनी भारतावर लादलेल्या ५० टक्के आयात शुल्क तसेच भारत पाक युद्ध मी थांबवले, भारताच्या अर्थव्यवस्थेला मृत अर्थव्यवस्था म्हणून हिणवले, आणि भारताला पाकिस्तान कडून तेल खरेदी करण्यासाठी मजबूर करू अशी बेताल वक्तव्ये करून वारंवार भारताचा अपमान करण्याचा प्रयत्न करणाऱ्या, तसेच रशियाकडून तेल खरेदी करू नका अशी उघड धमकी देणाऱ्या भूमिकेचा वंदे मातरम संघटना खडकी विभागाच्या वतीने. खडकी बाजार येथील महात्मा गांधी चौक येथे जाहीर निषेध करण्यात आला .
याप्रसंगी कार्यक्रमात ट्रम्पच्या विरोधात आणि भारताच्या भूमिकेच्या समर्थनार्थ सह्यांची मोहीम राबविण्यात आली. यावेळी उपस्थित नागरिकांनी देशाच्या भूमिकेच्या मागे आम्ही ठामपणे उभे आहोत हे दर्शविण्याकरिता उत्स्फूर्तपणे सह्या केल्या, आणि अमेरिकेच्या उत्पादनांवर बहिष्कार घालण्याचा निश्चय केला.
यावेळी वंदेमातरम संघटनेचे प्रांत कार्याध्यक्ष राजेश शर्मा, खडकी विभाग अध्यक्ष शिरीष रोच, समन्वयक संदीप पवार, ऍड. पांडुरंग कोरके, व विविध संस्थांचे प्रतिनिधी उपस्थित होते.
कार्यक्रम यशस्वी करण्यासाठी राजेश राजपूत, राजेश काकडे, आशिष अग्रवाल, आनंद रेड्डी, दिपक चार्य यांनी परिश्रम घेतले.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
