खडकी | प्रतिनिधी : दि. 7 फेब्रुवारी 2026 धम्मभूमी उत्कर्ष सेवा संघाच्या वतीने माता रमाई आंबेडकर जयंती उत्सव अत्यंत आनंदी व उत्साही वातावरणात साजरा करण्यात आला. यानिमित्ताने समाजप्रबोधनात्मक उपक्रमांचे आयोजन करण्यात आले होते.
या कार्यक्रमाचे मुख्य आकर्षण म्हणजे “मी सावित्रीबाई फुले बोलते” हे प्रभावी एकपात्री नाटक. सदर नाटकाचा सशक्त व भावपूर्ण प्रयोग प्राध्यापिका उत्कर्षा उषा कांबळे यांनी सादर केला. त्यांच्या अभिनयातून सावित्रीबाई फुले यांचे विचार, संघर्ष व समाजासाठीचे योगदान प्रभावीपणे उलगडले गेले. उपस्थित प्रेक्षकांनी या प्रयोगाला भरभरून दाद दिली.
कार्यक्रमास प्रमुख पाहुणे म्हणून
अश्विनी ननवरे (पोलीस निरीक्षक, गुन्हे शाखा, चतुर्शिंगी पोलीस ठाणे ), दिनेश गडाकुंश (उपनिरीक्षक, चतुर्शिंगी पोलीस ठाणे ), विनोद सरोदे (आरोग्य निरीक्षक, पुणे महानगरपालिका)
यांची उपस्थिती लाभली.
यावेळी उपस्थित मान्यवरांचा सत्कार करण्यात आला तसेच उपस्थितांना मिठाई वाटप करून जयंती उत्सव साजरा करण्यात आला.
कार्यक्रमाचे सूत्रसंचालन मंडळाचे अध्यक्ष दत्ता शिरसाठ व बौद्धाचार्य रवि गायकवाड यांनी केले. संघाचे सरचिटणीस देवानंद खराटे, अशोक लंकेश्वर, चंद्रकांत धिवार तसेच मंडळाचे आजी-माजी पदाधिकारी व कार्यकर्ते मोठ्या संख्येने उपस्थित होते.
माता रमाई आंबेडकर यांच्या विचारांना अभिवादन करत सामाजिक एकतेचा व बंधुभावाचा संदेश देणारा हा जयंती उत्सव यशस्वीरीत्या पार पडला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
