एक्झरबीया, हिंजवडी हिल्स फेज 2 ) सोसायटी नेरे दत्तवाडी परिसरातील धक्कादायक प्रकार; पाठलाग करून मोबाईल नंबर व ओळख मागितल्याचा आरोप
हिंजवडी | प्रतिनिधी : दि. 16 मार्च 2026
हिंजवडी परिसरात एका 10 वर्षीय अल्पवयीन मुलीशी गैरकृत्य केल्याप्रकरणी हिंजवडी पोलीस ठाण्यात आरोपी संजय सिंग याच्या विरोधात गुन्हा दाखल करण्यात आला आहे. या प्रकरणात भारतीय न्याय संहिता (BNS) कलम 74, 75 तसेच बालकांचे लैंगिक अपराधांपासून संरक्षण (POCSO) कायदा 2012 अंतर्गत कलम 8 आणि 11 नुसार गुन्हा नोंदविण्यात आला आहे. पोलिसांकडून मिळालेल्या माहितीनुसार, हा प्रकार 13 मार्च 2026 रोजी सायंकाळी सुमारे सवासहा ते सात वाजण्याच्या दरम्यान घडल्याचे समोर आले आहे. घटनेची माहिती मिळाल्यानंतर 14 मार्च 2026 रोजी पहाटे 3.30 वाजता हिंजवडी पोलीस ठाण्यात गुन्हा क्रमांक 155/2026 नोंदविण्यात आला.
ही घटना हिंजवडी पोलीस ठाण्याच्या हद्दीत येणाऱ्या ( एक्झरबीया, हिंजवडी हिल्स फेज 2 ) सोसायटी परिसरात घडल्याचे नमूद करण्यात आले आहे. पीडित अल्पवयीन मुलीशी अश्लील वर्तन केल्याचा आरोप करण्यात आला असून, या प्रकरणाची गंभीर दखल घेत पोलिसांनी संबंधित आरोपीविरुद्ध कठोर कायदेशीर कारवाई सुरू केली आहे.
नेरे दत्तवाडी परिसरातील ( एक्झरबीया, हिंजवडी हिल्स फेज 2 सोसायटी ) परिसरात क्लासवरून घरी परतणाऱ्या अल्पवयीन, पीडित मुलगी दररोज सायंकाळी क्लासला जात असते. दिनांक 13 मार्च 2026 रोजी सायंकाळी सुमारे 6.15 वाजण्याच्या सुमारास ती क्लासवरून परतत असताना परिसरात राहणाऱ्या एका तरुणाने तिचा पाठलाग करत अचानक तिचा हात पकडला.
त्यानंतर आरोपीने मुलीशी जबरदस्तीने संवाद साधण्याचा प्रयत्न करत “तू कुठे राहतेस, रोज क्लासला येतेस का, तुला चॉकलेट गिफ्ट देतो” अशा प्रकारची बोलणी करत तिच्यावर प्रेम करण्याचा दबाव टाकल्याचे तक्रारीत नमूद करण्यात आले आहे. तसेच मोबाईल नंबर मागत वारंवार ओळख वाढवण्याचा प्रयत्न केल्याचाही आरोप करण्यात आला आहे.
घटनेनंतर घाबरलेल्या अवस्थेत मुलगी घरी परतली. यानंतर कुटुंबीयांनी परिसरातील सीसीटीव्ही फुटेज तपासले असता संबंधित तरुण त्या परिसरात फिरताना दिसल्याचे समोर आले. त्यानंतर पीडित मुलीच्या आईने हिंजवडी पोलिस ठाण्यात लेखी तक्रार दिली.
सदर प्रकरणी पोलिसांनी तक्रारीची नोंद घेत पुढील तपास सुरू केला असून आरोपीचा शोध सुरू असल्याची माहिती पोलिसांकडून देण्यात आली आहे.
सध्या या प्रकरणाचा पुढील तपास हिंजवडी पोलीस ठाण्याचे पोलीस निरीक्षक ऋषिकेश घाडगे करीत असून, आरोपीबाबत अधिक माहिती गोळा करण्याचे काम सुरू आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
