२०१६ ते २०२४ मधील प्रकरणे प्रलंबित; इतर उत्सवांना सवलत, मग आंबेडकरी कार्यकर्त्यांना का नाही?
बोपोडी | प्रतिनिधी : दि. १८ मार्च २०२६ आंबेडकर जयंतीदरम्यान दाखल करण्यात आलेल्या गुन्ह्यांच्या मुद्द्यावरून पुन्हा एकदा वातावरण तापले आहे. पुण्याचे उपमहापौर परशुराम वाडेकर यांनी राज्य सरकारकडे थेट भूमिका घेत या सर्व प्रकरणांचा पुनर्विचार करून गुन्हे मागे घेण्याची मागणी केली आहे. यासाठी त्यांनी मुख्यमंत्री देवेन्द्र फडणवीस यांना पत्र पाठवले आहे.
वाडेकर यांनी आपल्या निवेदनात स्पष्ट केले की, दरवर्षी आंबेडकर जयंती मोठ्या प्रमाणात साजरी केली जाते. यावेळी विविध कार्यक्रम, मिरवणुका आणि सामाजिक उपक्रम राबवले जातात. मात्र, काही वेळा परिस्थिती नियंत्रणाबाहेर गेल्याने किंवा किरकोळ कारणांमुळे कार्यकर्त्यांवर गुन्हे दाखल होतात, ज्याचा परिणाम त्यांच्या भविष्यातही दिसून येतो.
मागील काही वर्षांपासून, विशेषतः २०१६ ते २०२४ या कालावधीत दाखल झालेल्या प्रकरणांवर अजूनही ठोस निर्णय झालेला नाही. त्यामुळे ही प्रकरणे लांबणीवर पडत असून संबंधित कार्यकर्त्यांमध्ये नाराजी वाढत आहे.
याच पार्श्वभूमीवर वाडेकर यांनी सरकारला प्रश्न उपस्थित केला आहे की, इतर मोठ्या सार्वजनिक उत्सवांमध्ये दाखल झालेले गुन्हे मागे घेण्याचा निर्णय घेतला जातो, तर आंबेडकर जयंतीच्या वेळी दाखल झालेल्या प्रकरणांबाबत वेगळी भूमिका का घेतली जाते?
राज्य सरकारने या विषयावर सकारात्मक निर्णय घेतल्यास सामाजिक समतोल राखण्यास मदत होईल, तसेच आंबेडकरी समाजातील कार्यकर्त्यांना मोठा दिलासा मिळेल, असे मत त्यांनी व्यक्त केले आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
