कराटे सरावादरम्यान झालेल्या दुखापतीतून आजार उघड; भारतातील सर्वात कमी स्वादुपिंड ( एसपीएन ) प्रकरणातील एक
पुणे | प्रतिनिधी : दि. १४ मार्च २०२६
पुण्यातील बाणेर येथील मणिपाल हॉस्पिटल मध्ये डॉक्टरांनी १० वर्षांच्या मुलीच्या स्वादुपिंडातील अत्यंत दुर्मिळ गाठ यशस्वी शस्त्रक्रियेद्वारे काढून तिचे प्राण वाचवले. भारतात नोंद झालेल्या सॉलिड स्यूडोपापिलरी निओप्लाझम (एसपीएन ) या आजाराच्या सर्वात कमी वयातील प्रकरणांपैकी हे एक मानले जात आहे.
ही मुलगी कराटे सरावादरम्यान झालेल्या दुखापतीनंतर तपासणीसाठी रुग्णालयात दाखल झाली होती. तपासण्या केल्यानंतर डॉक्टरांना स्वादुपिंडामध्ये दुर्मिळ गाठ असल्याचे आढळून आले. त्यानंतर डॉक्टरांच्या टीमने अत्यंत काळजीपूर्वक शस्त्रक्रिया करून गाठ पूर्णपणे काढून टाकली.
तज्ञांच्या माहितीनुसार सॉलिड स्यूडोपापिलरी निओप्लाझम (एसपीएन ) हा स्वादुपिंडाचा अतिशय दुर्मिळ ट्युमर आहे. हा आजार साधारणपणे किशोरवयीन किंवा तरुण महिलांमध्ये आढळतो आणि अनेकदा शरीरात कोणतीही स्पष्ट लक्षणे दिसत नाहीत. त्यामुळे अशा आजाराचे निदान होणे अत्यंत कठीण असते.
शस्त्रक्रियेबाबत माहिती देताना सर्जिकल ऑन्कोलॉजिस्ट डॉ. अमित पारसनीस यांनी सांगितले की, स्वादुपिंडाची रचना लक्षात घेऊन अत्यंत नाजूक शस्त्रक्रिया करण्यात आली. यावेळी लहान आतड्याचा काही भाग आणि स्वादुपिंडाचा प्रभावित भाग सुरक्षितपणे काढण्यात आला. लहान मुलांमध्ये अशा प्रकारच्या शस्त्रक्रियेत रक्तस्राव होण्याचा धोका जास्त असतो, मात्र डॉक्टरांच्या टीमने अत्यंत कमी रक्तस्रावात ही शस्त्रक्रिया यशस्वीपणे पूर्ण केली.
सध्या मुलगी पूर्णपणे बरी असून ती पुन्हा शाळेत जाऊ लागली आहे आणि नियमित जीवन जगत आहे. डॉक्टरांनी सांगितले की, अशा दुर्मिळ आजारांमध्ये वेळेवर तपासणी आणि तज्ज्ञ डॉक्टरांकडून उपचार करणे अत्यंत महत्त्वाचे असते.
मणिपाल हॉस्पिटलचे क्लस्टर डायरेक्टर आनंद मोटे यांनी सांगितले की, अत्याधुनिक तंत्रज्ञान आणि अनुभवी डॉक्टरांच्या टीममुळे अशा गुंतागुंतीच्या शस्त्रक्रिया यशस्वीपणे पार पाडणे शक्य होत आहे.
या शस्त्रक्रियेसाठी सर्जिकल ऑन्कोलॉजी विभागाचे डॉ. अमित पारसनीस, अॅनेस्थेसियोलॉजिस्ट डॉ.आशिष पाठक, तसेच पेडियाट्रिक एंडोक्रायनोलॉजिस्ट डॉ.पूजा गिरे आणि त्यांच्या टीमने महत्त्वाची भूमिका बजावली.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
