पुणे पीसीएमसी न्यूज 24:Live
खडकी कॅन्टोन्मेंट / प्रतिनिधी ( ता.३० सप्टेंबर )
खडकी कॅन्टोन्मेंट बोर्डाचे जॉईंट सी.ई.ओ. सुमन सौरभ यांची भेट घेऊन रेंज हिल्स येथील लोकशाहीर आण्णाभाऊ साठे मार्केट परिसरात साहित्यरत्न, लोकशाहीर आण्णाभाऊ साठे यांचा अर्धकृती पुतळा उभारण्यात यावा अशी मागणी निवेदनाद्वारे दलित पँथर तर्फे करण्यात आली. सदर मागणीवर खडकी कॅन्टोन्मेंट बोर्डाचे जॉईंट सी.ई.ओ. यांनी “या संदर्भातील ठराव आगामी बोर्ड मिटिंगमध्ये मांडण्यात येईल आणि यावर योग्य तो मार्ग काढण्यात येईल” असे आश्वासन दिले.
या प्रसंगी ज्येष्ठ नेते विकास सातारकर, प्रशांत केंजळे, अभिजित गडांकुश राहुल अवचिते, सुशील अवचिते, विशाल ओव्हाळ उपस्तिथ होते.
“लोकशाहीर आण्णाभाऊ साठे यांनी समाजातील वंचित, शोषित वर्गाच्या आवाजाला ताकदीने अभिव्यक्ती दिली. त्यांचे साहित्य आणि लोकगीतांनी सामान्य जनतेच्या भावना, संघर्ष आणि क्रांतीची प्रेरणा उजळवली. अशा व्यक्तिमत्त्वाचा पुतळा उभारला जाणे म्हणजे समाजाला प्रेरणेचा दीपस्तंभ ठरणार आहे.
“आण्णाभाऊंच्या स्मृती कायम ठेवून तरुण पिढीला प्रेरणा देणारे हे स्मारक लवकरात लवकर उभे राहावे” अशी अपेक्षा येथील स्थानिक नागरिकांनी व्यक्त केली. पुतळा उभारणीमुळे रेंजहिल्स परिसराला सांस्कृतिक व ऐतिहासिक ओळख मिळेल, असा विश्वास नागरिकांनी व्यक्त केला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
