पुणे पीसीएमसी न्यूज 24:Live
हिंजवडी / प्रतिनिधी : नेरे दत्तवाडी ग्रामपंचायतीच्या सरपंचपदी युवा उद्योजक राहुल बाळासाहेब जाधव यांची निवड करण्यात आली आहे. धर्मवीर छत्रपती संभाजी अर्बन बँकेचे संचालक म्हणून कार्यरत असलेले राहुल जाधव सामाजिक कार्यातही सक्रिय आहेत.
विद्यमान सरपंच सचिन जाधव यांनी स्वेच्छेने राजीनामा दिल्याने सरपंच पद रिक्त झाले होते. या पार्श्वभूमीवर पॅनेल प्रमुख संदीप जाधव तसेच निलेश जाधव यांनी महत्त्वाची भूमिका पार पाडत नव्या सरपंच पदासाठी राहुल जाधव यांचे नेतृत्व पुढे आणले.
नवीन सरपंच पदाची जबाबदारी स्वीकारल्यानंतर राहुल बाळासाहेब जाधव यांनी गावाच्या सर्वांगीण विकासासाठी कार्य करण्याची ग्वाही दिली. त्यांनी सांगितले की, “ग्रामपंचायत ही गावाचा विकासाचा पाया आहे. पाणीपुरवठा, स्वच्छता, शिक्षण, आरोग्य, रस्ते यांसारख्या मूलभूत सोयीसुविधा बळकट करणे हे माझे प्राधान्य असेल. तरुणांना रोजगाराच्या संधी, महिलांसाठी स्वावलंबनाच्या योजना व शेती विकासासाठी ठोस उपक्रम राबवले जातील.”
ग्रामपंचायतीत समन्वय व एकजुटीने विकासकामे राबवून गावाला प्रगत दिशेने नेण्याचा संकल्प त्यांनी व्यक्त केला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
