https://youtu.be/w-fh-ub3sqo?si=TnEORzCridYT0n65
पुणे पीसीएमसी न्यूज 24:Liv
हरीश शर्मा -मुख्य संपादक
मुंबई | पुणे दि. ९ ऑक्टोबर
राज्यातील कॅब, टॅक्सी व रिक्षा चालकांनी परिवहन विभागाच्या भ्रष्टाचाराविरोधात आणि त्यांच्या न्याय्य हक्क मागण्यांसाठी आज (९ ऑक्टोबर) एकदिवसीय बंद पुकारला होता. प्रधानमंत्री नरेंद्र मोदी यांच्या मुंबई दौऱ्यादरम्यान चालकांच्या समस्यांकडे लक्ष वेधण्यासाठी हा बंद आयोजित करण्यात आला होता.
राज्यभर या बंदला चालकांकडून उत्स्फूर्त प्रतिसाद मिळाला. पहाटेपासूनच सुमारे ९०% पेक्षा अधिक कॅब चालकांनी आपली वाहने बंद ठेवली, तर अनेक ठिकाणी रिक्षा चालकांनीही या आंदोलनाला सक्रिय साथ दिली. मुंबई, पुणे, नागपूर, नाशिक अशा प्रमुख शहरांमध्ये वाहतूक पूर्णपणे ठप्प झाली.
विमानतळांवर गोंधळ:
मुंबई आणि पुणे विमानतळावर बंदचा सर्वाधिक परिणाम दिसून आला. अनेक प्रवासी वाहनांच्या अभावामुळे विमानतळ परिसरात अडकून पडले. विशेषतः IT क्षेत्रातील कर्मचारी व कॉर्पोरेट प्रवासी वर्गाला याचा मोठा फटका बसला. दुसरीकडे, बंदमुळे लोकल ट्रेन व बस प्रवाशांची संख्या वाढल्याचे चित्र दिसून आले.
चालकांचे आर्थिक नुकसान:
या बंददरम्यान चालकांचे अंदाजे २ ते ३ हजार रुपयांचे नुकसान झाल्याचे सांगितले जात आहे. तरीदेखील, कुठलाही अनुचित प्रकार न घडता आंदोलन शांततेत पार पडले, हे विशेष लक्षवेधी ठरले.
मुख्य मागण्या:
परिवहन विभागाने निश्चित केलेले दर ओला, उबेर, रॅपिडो यांसारख्या अॅप्सवर लागू करावेत.
बाईक टॅक्सी त्वरित बंद कराव्यात.
चालकांच्या सर्व मागण्यांवर तातडीने कार्यवाही करावी.
🔹 आझाद मैदानात मागील तीन महिन्यांपासून भारतीय गिग कामगार मंचाचे आंदोलन सुरू असून, परिवहन मंत्री प्रताप सरनाईक यांनी त्याकडे दुर्लक्ष केल्याने चालकांचा रोष अधिक तीव्र झाला आहे. संघटनेच्या नेत्यांनी इशारा दिला आहे की, शासनाने मागण्यांकडे दुर्लक्ष केल्यास येत्या काळात आंदोलन आणखी तीव्र स्वरूप घेईल.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
