वरिष्ठ पोलीस निरीक्षक प्रमोद वाघ यांना निवेदन; इस्त्री, भाजीपाला व इतर छोट्या व्यवसायिकांनी विनाकारण भाव वाढवू नयेत, पोलीसांकडून अनाउन्समेंट करण्याची मागणी
पिंपरी | प्रतिनिधी : दि. ११ मार्च २०२६। सध्या आंतरराष्ट्रीय स्तरावर इराण आणि इस्रायल-अमेरिका यांच्यातील युद्धाची चर्चा सुरू असताना, त्याचा कोणताही थेट संबंध नसतानाही दिघी परिसरात काही लहान-मोठ्या व्यावसायिकांकडून वस्तू आणि सेवांचे दर वाढवले जात असल्याची तक्रार नागरिकांकडून पुढे येत आहे. विशेषतः इस्त्री सेवा देणारे, भाजीपाला विक्रेते तसेच इतर काही छोट्या व्यवसायिकांकडून अचानक दरवाढ केल्यामुळे स्थानिक नागरिकांना आर्थिक त्रास सहन करावा लागत असल्याचे सांगितले जात आहे.
याबाबत सामाजिक कार्यकर्ते व माहिती अधिकार कार्यकर्ते प्रभाकर उर्फ बबलू अशोक पोलकम यांनी दिघी पोलीस ठाण्याचे वरिष्ठ पोलीस निरीक्षक प्रमोद वाघ यांच्याकडे नम्र विनंती केली आहे. आंतरराष्ट्रीय घडामोडींचा स्थानिक किरकोळ व्यवसायांशी कोणताही संबंध नसताना काही जण त्याचा आधार घेऊन दरवाढ करत असल्यास त्यावर योग्य ती कारवाई करावी, अशी मागणी त्यांनी केली आहे.
पोलकम यांनी सांगितले की, “दिघी परिसरातील सामान्य नागरिक आधीच महागाईमुळे त्रस्त आहेत. अशा परिस्थितीत इस्त्री सेवा, भाजीपाला किंवा इतर रोजच्या गरजेच्या वस्तूंचे दर विनाकारण वाढवून जनतेला वेठीस धरणे योग्य नाही. कोणत्याही कारणाशिवाय दरवाढ केली तर त्याचा फटका थेट सामान्य कुटुंबांना बसतो.”
यासाठी पोलिसांनी परिसरात गस्ती दरम्यान अनाउन्समेंट करून व्यापाऱ्यांना सूचना द्याव्यात की, कोणताही संबंध नसलेल्या वस्तूंचे दर मनमानी पद्धतीने वाढवू नयेत, तसेच नागरिकांना त्रास होणार नाही याची खबरदारी घ्यावी, अशीही त्यांनी मागणी केली आहे.
दिघी परिसरात शांतता आणि पारदर्शक व्यवहार टिकून राहावेत, तसेच नागरिकांना विनाकारण आर्थिक फटका बसू नये यासाठी प्रशासनाने योग्य ती दखल घ्यावी, अशी अपेक्षा स्थानिक नागरिकांकडून व्यक्त केली जात आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
