परवाने, पुनर्वसन आणि हॉकर्स झोनसह विविध मागण्यांसाठी आंदोलन; पिंपरी येथील डॉ. बाबासाहेब आंबेडकर पुतळ्यापासून महापालिकेपर्यंत मोर्चा
पिंपरी | प्रतिनिधी : दि. १० मार्च २०२६
पथविक्रेते, हातगाडी, टपरी तसेच विविध लघु व्यवसाय करणाऱ्या फेरीवाल्यांच्या मागण्यांसाठी फेरीवाला हॉकर्स महासंघ, महाराष्ट्र यांच्या वतीने पिंपरी चिंचवड महानगरपालिकेवर बुधवारी दि. ११ मार्च २०२६ रोजी सकाळी ११ वाजता महामोर्चाचे आयोजन करण्यात आले आहे.
हातगाडी-टपरीधारकांचा इशारा : प्रश्न सुटले नाहीत तर आंदोलन तीव्र होणार
हा मोर्चा डॉ. बाबासाहेब आंबेडकर पुतळा येथून निघून पिंपरी चिंचवड महानगरपालिकेवर धडकणार असून या मोर्चाचे नेतृत्व प्रल्हाद कांबळे (कामगार नेते) करणार आहेत.
फेरीवाल्यांच्या विविध प्रलंबित प्रश्नांकडे प्रशासनाचे लक्ष वेधण्यासाठी हा महामोर्चा काढण्यात येत असल्याचे आयोजकांनी सांगितले.
प्रमुख मागण्या पुढीलप्रमाणे :
पात्र लाभार्थींना १४०० रुपयांत परवाना व ओळखपत्र देण्यात यावे.
१४०० रुपयांची नोंदणी शुल्क बंद केले असल्यास ती पुन्हा सुरू करावी.
पथकांकडून होणाऱ्या कारवाईत वाद झाल्यास गुन्हे दाखल करू नयेत.
ज्या ठिकाणी फेरीवाल्यांचे गाळे काढण्यात आले आहेत तेथे पुनर्वसन करावे.
“पथविक्रेता (उपजीविका संरक्षण व पथविक्रेता) महाराष्ट्र योजना २०१७” कायद्याची अंमलबजावणी करावी.
पथारी धारकांना कामाच्या ठिकाणी Shot उपलब्ध करून द्यावी.
शहरात सिटी हॉकर्स झोन ला प्राधान्य देण्यात यावे.
कारवाईत जप्त केलेल्या हातगाड्या, टपऱ्या व माल दुसऱ्या दिवशी परत देण्यात यावा.
या मोर्चात मोठ्या संख्येने फेरीवाले, हातगाडी चालक, टपरीधारक तसेच विविध संघटनांचे पदाधिकारी सहभागी होणार असल्याची माहिती आयोजकांनी दिली आहे. त्यामुळे प्रशासनाने तातडीने या मागण्यांवर सकारात्मक निर्णय घ्यावा, अशी मागणी करण्यात आली आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
