पुणे | प्रतिनिधी : दि. २६ फेब्रुवारी २०२६
चोरीच्या गुन्ह्यात मागील चार वर्षांपासून फरार असलेल्या आरोपीला गुन्हे शाखेच्या खंडणी विरोधी पथक-२ ने अटक केली आहे. संबंधित आरोपी हा पुणे शहर पोलीस अंतर्गत वानवडी पोलीस स्टेशन येथे दाखल गुन्ह्यात निष्पन्न व पाहिजे होता.
दिनांक २६ फेब्रुवारी २०२६ रोजी पोलीस निरीक्षक राम राजमाने यांच्या मार्गदर्शनाखाली खंडणी विरोधी पथक-२ चे अधिकारी व अंमलदार गुन्हे प्रतिबंधक पेट्रोलिंग करत असताना पोलीस शिपाई खरात यांना गुप्त बातमीदारामार्फत माहिती मिळाली की, वानवडी पोलीस स्टेशन गु.र. नं. २८/२०२२ भा.दं.वि. कलम ३८१ मधील पाहिजे आरोपी युवराज जगन्नाथ चव्हाण (वय ३५, रा. ढोरे वस्ती, केसनंद, वाघोली, पुणे) हा संबंधित परिसरात थांबलेला आहे.
मिळालेल्या खात्रीशीर माहितीनुसार पथकाने तात्काळ सापळा रचून आरोपीस ताब्यात घेतले. चौकशीदरम्यान त्याने संबंधित चोरीच्या गुन्ह्याची कबुली दिली. त्यानंतर वरिष्ठांच्या आदेशानुसार पुढील कायदेशीर कारवाईसाठी आरोपीस वानवडी पोलीस स्टेशनच्या ताब्यात देण्यात आले आहे.
या कारवाईत पोलीस. उपनिरीक्षक गौरव देव, पोलीस हवालदार नितीन मुंढे, सुजित वाघमारे, परीट व पोलीस अंमलदार खरात यांनी सहभाग घेतला.
चार वर्षांपासून फरार असलेल्या आरोपीस जेरबंद करण्यात यश आल्याने परिसरात समाधान व्यक्त करण्यात येत आहे
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
