पुणे जिल्हा प्रतिनिधी : दि. १ मार्च २०२६
ग्रामीण भागातील पाणी वाहतुकीची समस्या कमी करण्यासाठी जिल्हा क्रमांक ३१३ अंतर्गत इनरव्हील क्लब्सच्या वतीने एक स्तुत्य सामाजिक उपक्रम राबविण्यात आला. ग्रामीण भारतातील अनेक गावांमध्ये आजही पिण्याच्या पाण्याची टंचाई गंभीर असून नागरिकांना दररोज २ ते १० किलोमीटर अंतर पायी चालत जाऊन पाणी आणावे लागते. विशेषतः महिलांवर याचा मोठा शारीरिक ताण पडतो.
या पार्श्वभूमीवर “रोलिंग वॉटर टँक” (Water Wheel) ही उपयुक्त संकल्पना पुढे आणण्यात आली आहे. सिलिंडर आकाराचे हे टँक सुमारे ४५ ते ५० लिटर पाणी साठवू शकतात आणि जमिनीवर सहजपणे रोल करता येतात. त्यामुळे डोक्यावर किंवा हातात जड भांडी वाहून नेण्याची गरज राहत नाही. परिणामी महिलांचा शारीरिक श्रम मोठ्या प्रमाणात कमी होतो तसेच एका फेरीत अधिक पाणी आणणे शक्य होते.
दि. २१ फेब्रुवारी २०२६ रोजी जिल्हा ३१३ मधील इनरव्हील क्लब्सच्या संयुक्त विद्यमाने कर्जत येथील शांतिक्षेत्र प्रेमगिरी आश्रम जवळील गावांमध्ये ५० रोलिंग वॉटर टँकचे वितरण करण्यात आले. या उपक्रमामुळे स्थानिक महिलांना पाणी आणण्याच्या कष्टातून मोठा दिलासा मिळणार आहे.
या प्रकल्पासाठी IWC Baner Hills, IWC Pune, IWC Poona North, IWC Pune Wings आणि IWC Poona Downtown या क्लब्सच्या संयुक्त सहकार्याने एकूण ५० रोलिंग वॉटर टँक देणगी स्वरूपात प्रदान करण्यात आले.
या अभिनव उपक्रमातून इनरव्हील क्लब्सने ग्रामीण महिलांच्या दैनंदिन जीवनातील महत्त्वाची समस्या सोडविण्यासाठी सामाजिक बांधिलकी जपत आदर्श उदाहरण घालून दिले आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
