पुणे | प्रतिनिधी : दि. २१ फेब्रुवारी २०२६
पुणे रेल्वे स्टेशन परिसरात नागरिकांची अव्वाच्या सव्वा दराने लूट करणाऱ्या गुंड प्रवृत्तीच्या बोगस रिक्षाचालकांवर तातडीने कारवाई करण्यात यावी, तसेच अधिकृत प्रीपेड बूथवर नियमाने व्यवसाय करणाऱ्या रिक्षाचालकांना संरक्षण द्यावे, अशी ठाम मागणी आज ‘बघतोय रिक्षावाला’ संघटनेच्या वतीने करण्यात आली.
यासंदर्भात लष्कर विभागाच्या सहायक पोलिस आयुक्त संगीता शिंदे अल्फोन्सो यांना बंडगार्डन पोलिस ठाणे येथे निवेदन देण्यात आले.
◆ काय आहे तक्रार ?
संघटनेच्या पदाधिकाऱ्यांनी सांगितले की,
पुणे स्टेशनवरील प्रीपेड रिक्षा बूथवर सरकारी नियमांनुसार प्रामाणिकपणे व्यवसाय करणाऱ्या रिक्षाचालकांना काही गुंड प्रवृत्तीचे २० ते २५ बोगस रिक्षाचालक शिवीगाळ करून परिसरातून हाकलून देतात. हेच बोगस रिक्षाचालक प्रवाशांकडून अव्वाच्या सव्वा दराने भाडे आकारून आर्थिक पिळवणूक करत आहेत.
यामुळे एकीकडे प्रामाणिक रिक्षाचालकांचे नुकसान होत असून दुसरीकडे नागरिकांचीही सर्रास फसवणूक होत असल्याचा आरोप करण्यात आला.
◆ ‘हप्ता देतो’ अशी उघड भाषा?
सदर बोगस रिक्षाचालक स्थानिक पोलिसांना ‘हप्ता’ देत असल्याची उघडपणे भाषा वापरत असल्याचे वृत्त एका दैनिकात प्रसिद्ध झाले असल्याचा उल्लेखही निवेदनात करण्यात आला आहे. या प्रकरणाची सखोल चौकशी करून संबंधितांवर कठोर कारवाई करावी, अशी मागणी करण्यात आली.
याप्रसंगी डॉ. केशव नाना क्षीरसागर
अध्यक्ष, महाराष्ट्र कामगार सभा तसेच मोठ्या संख्येने रिक्षाचालक उपस्थित होते.
https://youtu.be/uQP_r9jE0O0?si=rT93gfz6G-nBAfdp
या संदर्भात प्रशासनाने तातडीने पावले उचलून पुणे रेल्वे स्टेशन परिसरातील अनधिकृत रिक्षा वाहतूक व लूटमार थांबवावी, अशी मागणी जोर धरत आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
