बोपोडी | प्रतिनिधी : दि. १ जानेवारी २०२६ पुणे महानगरपालिका निवडणुकीच्या पार्श्वभूमीवर काँग्रेस पक्षासाठी गेल्या २५ वर्षांपासून कार्यरत असलेल्या ज्योती परदेशी यांनी ( प्रभाग क्रमांक ८ औंध बोपोडी) मधून अपक्ष निवडणूक लढवण्याचा निर्णय घेतला आहे.
ज्योती परदेशी यांनी अनेक वर्षे काँग्रेस पक्षाशी एकनिष्ठ राहून काम केले आहे. पक्षाच्या सभा, बैठका, मेळावे, महिला मेळावे तसेच विविध संघटनात्मक उपक्रमांमध्ये त्या सातत्याने सक्रिय राहिल्या आहेत. यावेळी प्रभाग क्रमांक ८ मधून काँग्रेसकडून उमेदवारी मिळेल, अशी आशा बाळगून त्यांनी कार्य सुरू ठेवले होते.
स्थानिक उमेदवार डावलला, आयात उमेदवार पुढे! ज्योती परदेशींचा काँग्रेसला थेट इशारा
मात्र, बोपोडी परिसरात काँग्रेस पक्षाने बाहेरून आलेल्या उमेदवाराला उमेदवारी दिल्याने नाराजी व्यक्त करत ज्योती परदेशी यांनी अपक्ष निवडणूक लढवण्याचा निर्णय घेतल्याचे जाहीर केले आहे. हा निर्णय पूर्णपणे वैयक्तिक असून तो जनतेच्या पाठिंब्यावर आधारित असल्याचे त्यांनी स्पष्ट केले आहे.
बोपोडी परिसरातील स्थानिक रहिवासी असल्यामुळे ज्योती परदेशी यांचा जनसंपर्क मजबूत असल्याचे मानले जाते. त्यामुळे प्रभाग क्रमांक ८ मध्ये ही निवडणूक बहुरंगी होण्याची शक्यता व्यक्त केली जात आहे. भाजप व राष्ट्रवादीकडून जोरदार हालचाली सुरू असतानाच, काँग्रेसच्या बंडखोर उमेदवार म्हणून ज्योती परदेशी यांच्याकडेही राजकीय निरीक्षकांचे लक्ष वेधले गेले आहे.
प्रभाग क्रमांक ८ मधील निवडणूक निकालात अनपेक्षित घडामोडी घडू शकतात, असा अंदाज राजकीय विश्लेषक व्यक्त करत आहेत.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
