भाजपा शहर उपाध्यक्ष राम वाकडकर यांच्या संकल्पनेतून आयोजन
पिंपरी / प्रतिनिधी : दि. २२ नोव्हेंबर २०२५ वाकड परिसरात भक्तिरसाचा अपूर्व असा सोहळा रंगणार आहे. “चला… अंतरीचा कृष्ण जागवूया, आपण सारे कृष्णमय होऊया!” या भावपूर्ण आवाहनासह विश्वविख्यात प्रवक्त्या व कथाकार जया किशोरी यांच्या सुमधुर अमृतवाणीतून तीन दिवसीय श्रीकृष्णलीला मायरा कथा सोहळ्याचे भव्य आयोजन करण्यात आले आहे.
भाजपाचे पिंपरी-चिंचवड शहर उपाध्यक्ष राम वाकडकर यांच्या पुढाकारातून साकार होणाऱ्या या अध्यात्मिक सोहळ्याची विशेष वैशिष्ट्ये म्हणजे—
• सलग तीन दिवस श्रीकृष्णलीलेची मायरा कथा
• जया किशोरी दीदींच्या आवाजात थेट कथाश्रवण
• वाकड, ताथवडे, पुनावळे व पिंपरी-चिंचवड परिसरातील भक्तांना भक्तिरसाचा अद्भुत अनुभव
सोहळा २४, २५ आणि २६ नोव्हेंबर रोजी दररोज सायंकाळी ६ वाजता,
मुंबई–बंगळुरू हायवे लगत टीप टॉप हॉटेल जवळ, वाकड येथे आयोजित करण्यात आला आहे.
प्रवेश सर्वांसाठी विनामूल्य ठेवण्यात आला आहे.
जया किशोरी दीदींच्या कथेने देशभरातील लाखो भाविकांच्या मनात कृष्णप्रेमाचा झरा वाहिला आहे. वाकड, ताथवडे आणि पुनावळे परिसरातील भक्तांसाठी हा दुर्मीळ आध्यात्मिक सोहळा अनुभवण्याची सुवर्णसंधी आहे.
कुटुंबीय व मित्रमंडळींसह मोठ्या संख्येने उपस्थित राहून “अंतरीचा कृष्ण जागवावा आणि कृष्णमय व्हावे”, असे आवाहन आयोजक राम वाकडकर यांनी केले आहे.
या सोहळ्याला खासदार श्रीरंग बारणे, आमदार शंकर जगताप, आमदार महेश लांडगे, भाजपा शहराध्यक्ष शत्रुघ्न काटे, आमदार उमा खापरे, अमित गोरखे यांच्यासह अनेक मान्यवर उपस्थित राहणार आहेत.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
