पुणे पीसीएमसी न्यूज 24:Live
खडकी / प्रतिनिधी : राजयोगिनी डॉ. दादी प्रकाशमणीजींच्या १८ वया पुण्यतिथी निमित्त बोपोडी येथील ब्राह्मकुमारी शिवशक्ती भवन येथे प्रजापिता ब्रह्माकुमारी ईश्वरीय विश्व विद्यालय व समाज सेवा प्रभाग तर्फे विश्व बंधुत्व दिनानिमित्त घेण्यात आलेल्या रक्तदान शिबिरामध्ये ६७ रक्तदात्यांनी रक्तदान केले.
भारत व नेपाळ येथे २२ ते २५ ऑगस्ट दरम्यान भव्य रक्तदान शिबिरे आयोजित करण्यात आली आहेत. या मोहिमेत एक लाख युनिटपेक्षा अधिक रक्तदान करण्याचा संकल्प करण्यात आला आहे, ज्याची नोंद गिनीज बुक ऑफ वर्ल्ड रेकॉर्ड्स मध्ये होणार आहे.
बोपोडी येथील कार्यक्रमाची सुरुवात परमात्मानुभूती योग व मौनाने झाली. या प्रसंगी सावित्रीबाई फुले पुणे विद्यापीठाचे कुलगुरू डॉ. प्रा. सुरेश गोसावी, पुणे महापालिकेच्या उपमहापौर सुनिता वाडेकर, अण्णासाहेब मगर महाविद्यालयाचे प्राचार्य नितीन घोरपडे, ऍड. एस. के. जैन, कोहिनूर ग्रुपचे चेअरमन कृष्णकुमार गोयल, पुणे महापालिकेचे माजी नगरसेवक सनी निम्हण, माजी शिक्षण मंडळ सदस्य अमित मुरकुटे, वनवर्धिनी फाउंडेशनचे अध्यक्ष विजय ढोणे उपस्थित होते. सर्वप्रथम दादीजींना श्रद्धांजली अर्पण करण्यात आली त्यानंतर रक्तदान शिबिराचे उद्घाटन करण्यात आले. या शिबिरात ६७ जणांनी रक्तदान करून आपला सहभाग नोंदविला. तसेच ब्रह्माकुमारी बोपोडीच्या वतीने टिंगरेनगर येथे अनिल अग्रवाल यांच्या जिम मध्ये हि रक्तदान शिबिर झाले, ज्यामध्ये २२ जणांनी रक्तदान केले. या दोन्ही शिबिरांमध्ये औंध जिल्हा रुग्णालयाच्या तज्ज्ञ वैद्यकीय पथकाने रक्त संकलन केले.
बी. के. लक्ष्मी दीदींनी राजयोगिनी प्रकाशमणी दादीजींच्या सेवामय जीवनाचा उल्लेख करताना सांगितले की, दादीजींनी नेहमीच विश्वशांती, प्रेम आणि सहयोग यांचा संदेश दिला. त्या एक कुशल नेत्या होत्या व त्यांच्या नेतृत्वाखाली संस्थेने देश-विदेशात ईश्वरीय सेवांचा विस्तार साधला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
