पुणे |प्रतिनिधी : दि. ९ जानेवारी २०२६
महानगरपालिका निवडणूक जाहीर झाल्यानंतर लागू झालेल्या आदर्श आचारसंहितेचे पालन होत नसल्याचा गंभीर आरोप करत महाराष्ट्र राज्याचे मुख्य निवडणूक अधिकारी यांच्याकडे लेखी तक्रार दाखल करण्यात आली आहे. पुण्यातील खडकी कॅन्टोन्मेंट विभाग समन्वयक तथा शिवसेना (उद्धव बाळासाहेब ठाकरे गट) चे पदाधिकारी मदन गाडे यांनी ही तक्रार केली आहे.
तक्रारीनुसार, निवडणूक जाहीर झाल्यानंतर संबंधित स्थानिक स्वराज्य संस्था व प्रशासनाने राजकीय नेते, लोकप्रतिनिधी यांचे होर्डिंग, पोस्टर व नामफलक झाकणे अथवा काढून टाकणे बंधनकारक असते. मात्र पुणे शहरात अनेक ठिकाणी छत्रपती शिवाजी महाराजांच्या पोस्टरवर माननीय मुख्यमंत्री देवेंद्र फडणवीस यांचे फोटो असलेले पोस्टर अद्यापही महापालिका निवडणूक हद्दीत उघडेच असल्याचे निदर्शनास आले आहे.
यामुळे आदर्श आचारसंहितेचा स्पष्ट भंग होत असून, याबाबत तात्काळ कारवाई करण्याची मागणी मदन गाडे यांनी केली आहे. संबंधित पोस्टरवरील मुख्यमंत्र्यांचे फोटो तात्काळ झाकावेत तसेच संबंधित विभागांना स्पष्ट निर्देश द्यावेत, अशी विनंती त्यांनी मुख्य निवडणूक अधिकारी, महाराष्ट्र राज्य यांच्याकडे केली आहे.
दरम्यान, या तक्रारीमुळे पुण्यातील राजकीय वातावरण तापण्याची शक्यता असून, निवडणूक आयोग आणि प्रशासन याबाबत काय भूमिका घेते याकडे सर्वांचे लक्ष लागले आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
