हरीश शर्मा | मुख्य संपादक पुणे शहरात आगामी निवडणुकांच्या पार्श्वभूमीवर सर्वच प्रमुख राजकीय पक्षांकडून उमेदवारीचे तिकीट वाटप अंतिम टप्प्यात आले असून, ज्यांना पक्षाकडून संधी मिळाली आहे ते समाधानी असले तरी अनेक वर्षे पक्षाशी एकनिष्ठ राहूनही डावलले गेलेले पदाधिकारी व कार्यकर्ते उघड नाराजी व्यक्त करताना दिसत आहेत.
विशेषतः प्रभाग क्रमांक ७ आणि ८ मध्ये ही असंतोषाची लाट अधिक तीव्र होताना दिसून येत आहे. अनेक दिग्गज नेते, माजी पदाधिकारी तसेच प्रभावी कार्यकर्ते तिकीट न मिळाल्याने नाराज असून, त्यांनी पर्यायी राजकीय वाटांचा शोध घेण्यास सुरुवात केल्याची चर्चा राजकीय वर्तुळात रंगू लागली आहे.
सूत्रांच्या माहितीनुसार, काही नेत्यांनी इतर पक्षांशी संपर्क साधला असून, पक्षांतराच्या हालचालींना वेग आला आहे. यामुळे प्रभाग ७ आणि ८ मधील राजकीय समीकरणे बदलण्याची दाट शक्यता निर्माण झाली आहे. येत्या काही दिवसांत अधिकृत पक्षप्रवेश, घोषणांमुळे स्थानिक राजकारण तापण्याची चिन्हे आहेत.
दरम्यान, पक्ष नेतृत्वाकडून नाराज नेत्यांची समजूत काढण्याचे प्रयत्न सुरू असले तरी अनेक जण आता ‘थांबा आणि पाहा’ या भूमिकेपेक्षा ठोस निर्णय घेण्याच्या तयारीत असल्याचे दिसून येत आहे. तिकीट वाटपाचा हा निर्णय अंतिम ठरेल की पुढील फेऱ्यांमध्ये बदल होणार, याकडे सर्वांचे लक्ष लागले आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
