शिवाजीनगर | प्रतिनिध : दि. 8 मे 2026
जुन्या पुणे-मुंबई महामार्गावरील कामगार आयुक्त कार्यालयासमोरील धोकादायक वाहतुकीमुळे पादचाऱ्यांच्या सुरक्षिततेचा प्रश्न गंभीर बनला असून, त्या ठिकाणी तातडीने झेब्रा क्रॉसिंग पट्टे मारावेत, अशी मागणी महाराष्ट्र नवनिर्माण सेनेच्या वतीने पुणे महापालिका आयुक्तांकडे करण्यात आली आहे.
कामगार आयुक्त कार्यालय परिसरात अनेक आयटी कंपन्या असून मोठ्या प्रमाणावर कर्मचारी, महिला, विद्यार्थी आणि नागरिकांची ये-जा सुरू असते. शिवाजीनगर रेल्वे स्थानकातून येणारे अनेक कर्मचारी व विद्यार्थी रस्ता ओलांडून समोरील कंपन्या तसेच बसथांब्याकडे जात असतात. मात्र, पुणे स्टेशनकडून वाकडेवाडीच्या दिशेने जाणाऱ्या पुलावरून वाहने अतिवेगाने येत असल्याने पादचाऱ्यांना जीव मुठीत धरून रस्ता ओलांडावा लागत आहे.
या ठिकाणी यापूर्वीही अनेक छोटे-मोठे अपघात घडल्याचा दावा मनसेने केला असून, नागरिकांकडून सातत्याने तक्रारी येत असल्याचे निवेदनात नमूद करण्यात आले आहे.
तसेच, येत्या आठ दिवसांत संबंधित ठिकाणी झेब्रा क्रॉसिंग न केल्यास मनसे स्टाईल आंदोलन छेडण्यात येईल आणि भविष्यात कोणताही अपघात झाल्यास प्रशासनालाच जबाबदार धरले जाईल, असा इशारा मनसेचे शहर उपाध्यक्ष सुहास भगवानराव निम्हण यांच्या नेतृत्वाखाली जिल्हा उपाध्यक्ष (वाहतूक सेना) अँथोनी आठव, उपविभागाध्यक्ष गोकुळ अडागळे तसेच शाखाध्यक्ष मिलन भोरडे यांनी दिला आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
