पुणे / पिंपरी-चिंचवड | दि. २ एप्रिल २०२६
ऑनलाइन कॅब अॅग्रीगेटर कंपन्यांच्या दिशाभूल करणाऱ्या आणि विरोधाभासी कार्यपद्धतीमुळे प्रवासी आणि कॅब/रिक्षा चालक यांच्यातील वाद वाढत असल्याचा गंभीर आरोप आज आयोजित पत्रकार परिषदेत करण्यात आला. यावेळी संबंधितांनी विविध अधिकृत कागदपत्रे, शासन आदेश आणि कंपन्यांचे युजर अॅग्रीमेंट्स पत्रकारांसमोर सादर करत वस्तुस्थिती स्पष्ट केली.
सादर करण्यात आलेल्या Annexure मधील दस्तऐवजांच्या आधारे, सध्या निर्माण होणाऱ्या वादांचे मूळ कारण या कंपन्यांची कार्यपद्धती असल्याचे स्पष्ट होत असल्याचे वक्त्यांनी सांगितले.
Annexure मधील पहिल्या पानावर राज्य परिवहन आयुक्त कार्यालयाचे पत्र असून, त्यामध्ये प्रादेशिक परिवहन प्राधिकरणाने निश्चित केलेले दरच रिक्षा आणि टॅक्सी चालकांसाठी बंधनकारक असल्याचे नमूद करण्यात आले आहे.
तसेच दुसऱ्या Annexure मध्ये पुणे प्रादेशिक परिवहन प्राधिकरणाचा ठराव सादर करण्यात आला. या ठरावानुसार, १ जानेवारी २०२४ पासून वातानुकूलित (AC) टॅक्सींसाठी प्रति किलोमीटर २५ रुपये, तर नॉन-एसी टॅक्सींसाठी २१ रुपये दर लागू करण्यात आले आहेत.
मात्र, प्रत्यक्षात अनेक ऑनलाइन कॅब कंपन्या या अधिकृत दरांपेक्षा वेगळे दर आकारत असल्याने प्रवासी आणि चालक यांच्यात गैरसमज निर्माण होत असून त्यातून वाद उद्भवत आहेत.
पत्रकार परिषदेत संबंधितांनी प्रशासनाने या प्रकरणाची गंभीर दखल घेऊन ऑनलाइन कॅब कंपन्यांवर योग्य ती कारवाई करावी, तसेच स्पष्ट आणि एकसमान दर धोरण लागू करण्याची मागणी केली.
या प्रकरणामुळे शहरी भागातील प्रवासी सेवा व्यवस्थेवर परिणाम होत असून, यावर तातडीने तोडगा काढण्याची गरज व्यक्त करण्यात आली.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
