पुणे | प्रतिनिधी: दि.११ जानेवारी २०२६
पुणे व पिंपरी-चिंचवड महानगरपालिका निवडणूक २०२६ जिंकल्यास बस व मेट्रो सेवा मोफत करण्याची घोषणा उपमुख्यमंत्री अजितदादा पवार यांनी केल्याच्या पार्श्वभूमीवर महाराष्ट्र कामगार सभेचे अध्यक्ष डॉ. केशव नाना क्षीरसागर यांनी या निर्णयाचा तीव्र शब्दांत निषेध नोंदवला आहे.
राष्ट्रवादी काँग्रेस पक्षाच्या जाहीरनाम्यातील ही घोषणा म्हणजे राजकारणातील घातक ‘फ्रीबी संस्कृती’चे प्रतीक असल्याचा आरोप त्यांनी केला असल्याची माहिती प्रसिद्धी पत्रकाद्वारे देण्यात आली आहे.
या धोरणाचा थेट फटका ऑटो रिक्षा चालक, कॅब चालक तसेच लघु वाहतूक व्यवसायावर अवलंबून असलेल्या कष्टकरी कामगारांना बसणार असून त्यांच्या उपजीविकेवर गंभीर परिणाम होणार असल्याचे डॉ. क्षीरसागर यांनी स्पष्ट केले.
इंधन दरवाढ, कर्जाचे वाढते हप्ते, परवाने, विमा व दैनंदिन खर्च यामुळे आधीच आर्थिक अडचणीत असलेल्या कामगार वर्गाला अशा घोषणा बेरोजगारीच्या दिशेने ढकलणाऱ्या ठरत असल्याचा आरोपही त्यांनी केला आहे.
निवडणुकीच्या तोंडावर लोकांना भुरळ घालणाऱ्या अशा निर्णयांमुळे सामाजिक समतोल बिघडत असून कामगारांच्या भवितव्याशी खेळ केला जात असल्याची टीकाही त्यांनी केली.
महाराष्ट्र कामगार सभा सरकार तसेच सर्व राजकीय पक्षांना आवाहन करते की, कामगारांच्या उपजीविकेवर परिणाम करणारे असे लोकलक्ष्यी निर्णय तात्काळ थांबवावेत. तसेच कोणताही धोरणात्मक निर्णय घेण्यापूर्वी कामगार संघटनांशी सविस्तर चर्चा करावी, अशी मागणीही करण्यात आली आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
