बोपोडी |प्रतिनिधी : दि. ५ जानेवारी २०२६ महापालिका निवडणुकीचे तिकीट वाटप अंतिम होताच प्रभाग क्रमांक 8 मध्ये राजकीय रणसंग्रामाला सुरुवात झाली आहे. सर्वच पक्षांचे उमेदवार प्रचारासाठी थेट रस्त्यावर उतरले असून, घरोघरी भेटी, पदयात्रा, वाहन फेऱ्या आणि जोरदार शक्तिप्रदर्शन सुरू झाले आहे.
प्रभाग 8 मध्ये यावेळी सत्तेसाठी थेट लढाई पाहायला मिळत असून, प्रत्येक पक्ष आपला उमेदवार विकासाचा चेहरा म्हणून पुढे करत आहे. मात्र मतदारांमध्ये गेल्या पाच वर्षांच्या कामगिरीवरून तीव्र नाराजी दिसून येत आहे. पाणीपुरवठा, अंतर्गत रस्त्यांची दुरवस्था, ड्रेनेजची समस्या आणि मूलभूत सुविधांचा अभाव हे मुद्दे प्रचारात आक्रमकपणे उपस्थित केले जात आहेत.
तिकीट वाटपानंतरही काही पक्षांमध्ये अंतर्गत नाराजी आणि बंडखोरीचे सावट कायम असून, त्याचा परिणाम प्रचारावर दिसू लागला आहे. दुसरीकडे, अपक्ष उमेदवार आक्रमक प्रचार करत असल्याने प्रमुख पक्षांचे समीकरण बिघडण्याची शक्यता नाकारता येत नाही.
महिला व तरुण मतदारांना आपल्या बाजूने वळवण्यासाठी आश्वासनांची सरबत्ती, सोशल मीडिया प्रचार आणि थेट संवादाचा जोर वाढवण्यात आला आहे. त्यामुळे प्रभाग 8 मधील निवडणूक फक्त पक्षांमध्ये नव्हे, तर विश्वास आणि कामगिरीच्या कसोटीवर ठरणार असल्याचे स्पष्ट होत आहे.
एकूणच, तिकीट वाटपानंतर पेटलेल्या प्रचारामुळे प्रभाग 8 हे निवडणुकीतील सर्वाधिक तापलेले आणि निर्णायक प्रभाग ठरत असल्याचे चित्र सध्या दिसून येत आहे.
— पुणे पीसीएमसी न्यूज 24.Live
आम्ही आतील बातमी बाहेर काढतो.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
