पुणे महापालिका आरोग्य विभाग व महाराष्ट्र असंघटित कामगार संघटनेच्या संयुक्त विद्यमाने आयोजित शिबिरात महिलांचा उत्स्फूर्त सहभाग; आरोग्य योजनांबाबत मार्गदर्शनही
पुणे | प्रतिनिधी : दि. 30 जून 2026 पुणे महानगरपालिका आरोग्य विभागाच्या राष्ट्रीय नागरी आरोग्य अभियानांतर्गत राबविण्यात येणाऱ्या प्रधानमंत्री जन आरोग्य योजनेअंतर्गत पात्र नागरिकांना पाच लाख रुपयांपर्यंतचे आरोग्य विमा संरक्षण उपलब्ध करून दिले जाते. या योजनेचा लाभ अधिकाधिक घरेलू कामगार महिलांना मिळावा, या उद्देशाने महाराष्ट्र असंघटित कामगार संघटना, पुणे जिल्हाच्या वतीने श्री समर्थ मंडळ हॉल, पुणे येथे गुरुवार (दि. २५ जून २०२६) रोजी प्रधानमंत्री जन आरोग्य योजना कार्ड नोंदणी शिबिराचे आयोजन करण्यात आले.
या शिबिरात संघटनेच्या शासकीय नोंदीतील घरेलू कामगार महिलांची प्रधानमंत्री जन आरोग्य योजना कार्डासाठी नोंदणी करण्यात आली. कार्यक्रमाची सुरुवात भगवान विश्वकर्मा यांच्या प्रतिमेचे पूजन करून करण्यात आली. यावेळी उपस्थित मान्यवरांचा सत्कारही करण्यात आला. तसेच नोंदणी प्रक्रियेसाठी सहकार्य करणाऱ्या आशा वर्कर्सचाही गुलाबपुष्प देऊन सन्मान करण्यात आला.
कार्यक्रमाला सहाय्यक आरोग्य अधिकारी डॉ. मनीषा नाईक, परिमंडळ आरोग्य अधिकारी डॉ. केतकी घाडगे, क्षेत्रीय वैद्यकीय अधिकारी डॉ. अंजली टिळेकर, परिमंडळ परिचारिका सारिका लडकत, क्षेत्रीय परिचारिका सुजाता पुणेकर, पब्लिक हेल्थ मॅनेजर डॉ. किरण सोनटक्के, निवृत्त प्राध्यापिका शोभना आपटे, प्रदेश सरचिटणीस शरद पंडित, ॲड. रश्मी तांदळे, समर्थ मंडळाचे चिटणीस सतीश चिटणीस तसेच प्रदेश उपाध्यक्ष मीना पंडित यांची प्रमुख उपस्थिती होती.
यावेळी डॉ. मनीषा विनोद नाईक यांनी घरेलू कामगार महिलांना पुणे महानगरपालिकेच्या आरोग्य विभागामार्फत उपलब्ध असलेल्या विविध आरोग्य सुविधांची माहिती दिली. तसेच घरेलू कामगार महिलांसाठी महानगरपालिकेच्या दवाखान्यांच्या माध्यमातून विशेष आरोग्य शिबिर आयोजित करण्याचा प्रयत्न केला जाईल, असे आश्वासन त्यांनी दिले.
कार्यक्रमाच्या शेवटी डॉ. किरण सोनटक्के यांनी उपस्थित मान्यवरांचे आभार मानत या शिबिरामागील उद्देश स्पष्ट केला. कार्यक्रमाच्या यशस्वी आयोजनासाठी सुवर्णा कोंढाळकर, मंदा पवार, शैला शिंदे, सुनिता बढे, योगिता शिंदे, शीला आटपाळकर, शोभना लालन, अनिता गुरव, यशोदा साळवे, जनाबाई कुडले, वर्षा ताडे, नीता पंखावाला, मंगल भोसले, शीला तांदळे यांच्यासह संघटनेच्या पदाधिकारी व कार्यकर्त्यांनी विशेष परिश्रम घेतले. या शिबिराला घरेलू कामगार महिलांचा उत्स्फूर्त प्रतिसाद लाभला.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
