हिंजवडी | प्रतिनिधी : दि. २३ जानेवारी २०२६
जिल्हा परिषद व पंचायत समिती सार्वत्रिक निवडणुकीच्या पार्श्वभूमीवर हिंजवडी जिल्हा परिषद गट तसेच गणराई व सहा गणांमधील उमेदवारी अर्जांची छाननी प्रक्रिया पूर्ण झाली आहे. तीन दिवस चाललेल्या या प्रक्रियेत अर्जांची सखोल तपासणी करण्यात आली.
हिंजवडी जिल्हा परिषद गटासाठी एकूण 15 उमेदवारांचे अर्ज वैध ठरले आहेत. तर पंचायत समितीच्या दोन गणांमध्ये मिळून 23 उमेदवारांचे अर्ज छाननीनंतर पात्र ठरवण्यात आले आहेत. गुरुवारी पार पडलेल्या अंतिम छाननीनंतर ही यादी निश्चित करण्यात आली.
छाननीदरम्यान काही उमेदवारांचे अर्ज अपूर्ण कागदपत्रे, नियमांची पूर्तता न झाल्याने बाद करण्यात आले, तर बहुसंख्य अर्ज वैध ठरले असल्याने आता निवडणूक लढती अधिक रंगतदार होण्याची शक्यता आहे.
■ अपक्षांची भूमिका ठरणार निर्णायक
या निवडणुकीत प्रमुख राजकीय पक्षांसह अपक्ष उमेदवारांची संख्या लक्षणीय असल्याने निकालावर त्यांचा प्रभाव महत्त्वाचा ठरणार आहे. मतविभागणी रोखण्यासाठी पक्षांकडून पुढील टप्प्यात जोरदार रणनीती आखली जाण्याची शक्यता व्यक्त होत आहे.
■ माघारीची मुदत महत्त्वाची
अर्ज छाननीनंतर उमेदवारी अर्ज माघारी घेण्याची प्रक्रिया सुरू होणार असून, माघारीनंतरच अंतिम चित्र स्पष्ट होणार आहे. त्यानंतर प्रचाराला वेग येऊन मतदारांपर्यंत पोहोचण्यासाठी उमेदवारांकडून विविध पातळ्यांवर प्रयत्न केले जाणार आहेत.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
