हिंजवडी / प्रतिनिधी : लक्ष्मी चौक ते मारुंजी दरम्यानच्या मार्गावर असलेले वाहनचालकांसाठी त्रासदायक ठरलेले व ‘जगातील सर्वात उंच स्पीडब्रेकर’ म्हणून चर्चेत असलेले गतिरोधक अखेर प्रशासनाकडून हटविण्यात आले आहेत. यामुळे या मार्गावरील वाहनचालकांनी सुटकेचा निश्वास सोडला आहे.
अलीकडेच स्थानिक आमदार शंकर मांडेकर यांच्या हस्ते लक्ष्मी चौक ते कासारसाई रस्त्याच्या सुधारणा व डांबरीकरण कामाचे भूमिपूजन पार पडले. त्याआधी हिंजवडी–माण–मारुंजी–जांबे–नेरे दत्तवाडी परिसरातील रस्ता विस्ताराच्या कामासाठी उपमुख्यमंत्री अजित पवार यांनी पहाटे ६ वाजता सविस्तर पाहणी केली होती. रस्ता रुंदीकरणात अडथळा ठरणारे सर्व प्रकारचे बेकायदेशीर बांधकाम त्वरित हटविण्याचे निर्देश त्यांनी संबंधित यंत्रणांना दिले होते.
या आदेशांनंतर अवघ्या महिनाभरात PMRDA मार्फत हिंजवडी, माण, मारुंजी, जांबे, नेरे दत्तवाडी परिसरातील अतिक्रमण हटविणे, भूसंपादन प्रक्रिया आणि रस्ता मोकळा करण्याची कामे वेगाने पूर्ण करण्यात आली. नागरिकांच्या दैनंदिन वाहतुकीवर परिणाम करणारे उंच स्पीडब्रेकर हटविणे ही त्याच प्रक्रियेचा एक महत्त्वपूर्ण भाग ठरला.
दरम्यान, येत्या काही दिवसांत या मार्गावर सायकल मॅरेथॉन आयोजित करण्यात येणार असल्याने रस्त्याच्या कामांना अधिक वेग देण्यात येत आहे. सुधारित रस्ता, अतिक्रमणमुक्त मार्ग आणि हटविलेले स्पीडब्रेकर यामुळे वाहतूक सुलभ होण्याची शक्यता अधिक बळकट झाली आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
