दाऊद इब्राहिमच्या समर्थनावर तीव्र प्रतिक्रिया; “न्याय आणि कायदा सर्वांसाठी समान असावा” — मूलनिवासी मुस्लिम मंचाची मागणी
पुणे / प्रतिनिधी: दि. ३० ऑक्टोबर
अभिनेत्री ममता कुलकर्णी यांनी दिलेल्या “दाऊद इब्राहिम दहशतवादी नाही” या वक्तव्यावरून वादंग पेटला आहे. या वक्तव्याचा देशाच्या सुरक्षेला, न्यायव्यवस्थेला आणि शहीदांच्या बलिदानाला अपमानकारक म्हणून निषेध व्यक्त करत, मूलनिवासी मुस्लिम मंचाचे अध्यक्ष अंजुम इनामदार यांनी ममता कुलकर्णी यांच्यावर देशद्रोहाचा गुन्हा दाखल करावा अशी मागणी केली आहे.
इनामदार म्हणाले, “एका बाजूला पुण्यात शनिवार वाडा येथे मेघा कुलकर्णी यांनी फक्त नमाज पठण केले म्हणून आंदोलन उभे केले गेले, आणि दुसऱ्या बाजूला दहशतवाद्याच्या समर्थनात बोलणाऱ्यांविरुद्ध कुठलीच कारवाई होत नाही — हा समाजातील दुहेरी निकष दाखवतो.”
ते पुढे म्हणाले, “अल्पसंख्याक समाजाच्या श्रद्धा, प्रार्थना यावर टीका केली जाते, पण दहशतवादाचे समर्थन करणाऱ्यांविषयी शांतता पाळली जाते. हा अन्याय आहे. जर ममता कुलकर्णी यांच्या वक्तव्यावर कारवाई होत नसेल, तर न्याय आणि कायदा फक्त काही लोकांसाठीच आहे का?”
मूलनिवासी मुस्लिम मंचाने या प्रकरणावर तीव्र निषेध नोंदवला असून खालील मागण्या केल्या आहेत —
दहशतवाद्याच्या समर्थनात वक्तव्य करणाऱ्यांवर तात्काळ कायदेशीर कारवाई व्हावी.
समाजात भेदभाव निर्माण करणाऱ्या राजकीय नेत्यांनी या विषयावर स्पष्ट भूमिका घ्यावी.
“न्याय आणि कायदा सर्वांसाठी समान असावा” — हा संदेश देशभर जावा.
इनामदार यांनी शेवटी सांगितले की, “देश, धर्म आणि न्याय यापेक्षा वर कुणाचाही स्वार्थ नसावा. समाजात प्रेम, एकता आणि परस्पर आदर राखण्यासाठी ही आमची लढाई आहे.”
पुणे पीसीएमसी न्यूज 24:Live
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
