हरीश शर्मा – मुख्य संपादक
बोपोडी : पुणे महापालिका निवडणुकीचा कार्यक्रम अद्याप जाहीर व्हायचा असला तरी प्रभाग क्रमांक ८ औंध बोपोडी मध्ये मात्र वातावरण चांगलेच तापले आहे. विविध राजकीय पक्षांतील इच्छुक उमेदवारांकडून वरिष्ठांची मर्जी मिळवण्यासाठी नवनवीन युक्त्या वापरल्या जात आहेत.
कधी खर्चाबाबत चिंगूस म्हणून ओळखले जाणारे काही इच्छुकही आता हात सैल करून प्रचारखर्च वाढवत असल्याचे चित्र दिसत आहे. सोशल मीडियावर शुभेच्छा पोस्ट, आकर्षक बॅनरबाजी, दिवाळी फराळ कार्यक्रम, प्रभागातील मतदारांचे वाढदिवस साजरे करणे, गल्लीबोळातील कार्यकर्त्यांशी थेट संवाद साधणे अशा विविध माध्यमातून इच्छुकांची उपस्थिती ठळकपणे जाणवते आहे.
स्थानिक मंडळांचे पदाधिकारी, सामाजिक संघटनांचे प्रतिनिधी आणि नागरिकांशी सातत्याने संपर्क साधत मतदारांमध्ये आपली छाप निर्माण करण्याचा प्रयत्न अनेक इच्छुकांकडून सुरू आहे. नागरिकांच्या छोट्या मोठ्या समस्या सोडवण्याचा आटापिटा, कार्यक्रमांत सक्रिय सहभाग, आणि ‘मीच पुढचा’ असा आत्मविश्वास दाखवणारी हालचाल यामुळे प्रभाग क्रमांक ८ मध्ये निवडणुकीआधीच वातावरण रंगतदार झाल्याचे स्पष्ट दिसून येते.
— पुणे पीसीएमसी न्यूज 24 : Live
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
