ओम साई फाउंडेशनचे अध्यक्ष संजय मराठे यांचा पुढाकार; नगरसेवक माऊली जगताप यांच्या हस्ते आरोग्य सैनिकांना संरक्षण साहित्य वितरण
पिंपळे गुरव | पुणे पीसीएमसी न्यूज 24.live : 16 एप्रिल 2026
भारतरत्न डॉ. बाबासाहेब आंबेडकर यांच्या जयंतीचे औचित्य साधत पिंपळे गुरव येथील कै. काळूराम जगताप बॅडमिंटन हॉलमधील आरोग्य कोठीत कार्यरत आरोग्य कर्मचाऱ्यांसाठी विशेष उपक्रम राबविण्यात आला. वाढत्या उन्हाच्या तीव्रतेत काम करणाऱ्या कर्मचाऱ्यांना संरक्षण मिळावे या उद्देशाने ओम साई फाउंडेशनच्या वतीने आरोग्य साहित्याचे वितरण करण्यात आले.
शहराच्या स्वच्छतेसाठी आणि नागरिकांच्या आरोग्यासाठी दिवसरात्र झटणाऱ्या या कर्मचाऱ्यांना सध्या उष्माघाताचा वाढता धोका लक्षात घेता टोपी, अँप्रन आणि मास्क देण्यात आले. नगरसेवक माऊली जगताप आणि फाउंडेशनचे अध्यक्ष संजय मराठे यांच्या हस्ते हे साहित्य वितरित करण्यात आले.
या उपक्रमाबद्दल बोलताना सामाजिक कार्यकर्ते साई कोंढरे यांनी, “समाजासाठी काम करणाऱ्या कर्मचाऱ्यांची दखल घेऊन त्यांना मदतीचा हात देणे ही खरी सामाजिक जबाबदारी आहे,” असे मत व्यक्त केले. दरवर्षी अशा प्रकारचे उपक्रम राबवून ओम साई फाउंडेशन समाजाशी आपली बांधिलकी जपते, असेही त्यांनी सांगितले.
यावेळी नगरसेवक माऊली जगताप यांनी उपस्थितांना आंबेडकर जयंतीच्या शुभेच्छा देत, “उन्हाची तीव्रता वाढत असल्याने प्रत्येकाने स्वतःची आणि कुटुंबाची काळजी घ्यावी,” असे आवाहन केले.
कार्यक्रमाला स्नेहल सोनवणे (आरोग्य निरीक्षक), अरुण जगताप (आरोग्य मुकादम), सुनील धावारे (बेसिक वॉर्ड इन्चार्ज), तौफिक सय्यद, रमेश गाढवे, सचिन खराडे, जगदीश बच्छाव यांच्यासह आरोग्य कर्मचारी व नागरिक मोठ्या संख्येने उपस्थित होते.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
