हरीश शर्मा – मुख्य संपादक – पुणे : महाराष्ट्रातील समाजकारण, श्रमिक चळवळ, सहकार्य उद्योग आणि वंचित घटकांसाठी आयुष्यभर कार्यरत राहिलेले ज्येष्ठ समाजसेवक बाबा आढाव यांचे निधन झाले आहे. त्यांच्या जाण्याने सामाजिक क्षेत्रात मोठी पोकळी निर्माण झाली असून विविध सामाजिक संघटनांतून हळहळ व्यक्त केली जात आहे. समाजकारणातील प्रारंभ आणि संघर्ष
बाबा आढाव यांनी तरुण वयातच समाजकारणाची वाट निवडली. सामाजिक न्याय, श्रमिक हक्क, शेतकरी प्रश्न कचरा प्लास्टिक वेचनारे , रिक्षा चालक रिक्षा पंचायत यांच्या मुद्द्यांसाठी त्यांनी दीर्घकाळ लढा दिला. कोणतेही पद, लाभ किंवा प्रसिद्धी ची अपेक्षा न करता त्यांनी तळागाळातील लोकांच्या अडचणी शासनापर्यंत पोहोचविण्याचे आणि त्यांचे प्रश्न मार्गी लावण्याचे काम निष्ठेने केले.
कामगार आणि वंचित घटकांचा आधारस्तंभ
महाराष्ट्रातील अनेक सहकारी संस्थांच्या उभारणीत त्यांचे मार्गदर्शन महत्त्वाचे ठरले. कामगार संघटनांच्या प्रश्नांत त्यांनी शांततामय पद्धतीने मध्यस्थी केली.
दीनदलित, कष्टकरी, भटक्या-विमुक्त समाजातील लोकांसाठी त्यांनी न्याय आणि सन्मानाची लढाई लढली.
साधेपणा, प्रामाणिकपणा, संयम आणि अहिंसक विचार ही बाबा आढावा यांची ओळख. संघर्ष करतानाही संवादावर विश्वास ठेवणाऱ्या या ज्येष्ठ समाजसेवकांच्या कामाची सर्व क्षेत्रांतून प्रशंसा केली जात असे. त्यांच्या निधनाने सामाजिक क्षेत्रातील एक ज्योत हरपली असली तरी त्यांनी रुजवलेली मूल्ये, कार्यपद्धती आणि तत्त्वनिष्ठ विचार पुढील पिढ्यांना मार्गदर्शन करत राहतील.
पुणे पीसीएमसी न्यूज 24: Live तर्फे ज्येष्ठ समाजसेवक बाबा आढावा यांना भावपूर्ण श्रद्धांजली.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
