भोपळे चौकात नागरिकांचा उत्स्फूर्त सहभाग; पाणीपुरवठा विभागाविरोधात संताप व्यक्त
पुणे कॅम्प / प्रतिनिधी दि. 3 नोव्हेंबर महाराष्ट्र नवनिर्माण सेना, पुणे कॅन्टोन्मेंट बोर्डाच्या वतीने लष्कर भागात सुरू असलेल्या कमी दाबाने आणि अनियमित पाणीपुरवठ्या विरोधात आज “सही संताप” हा आंदोलनात्मक उपक्रम आयोजित करण्यात आला. हा कार्यक्रम लष्कर येथील भोपळे चौकात पार पडला असून नागरिकांनी मोठ्या संख्येने हजेरी लावून पाणीपुरवठा विभागाविषयीचा आपला रोष नोंदवला.
या कार्यक्रमात नागरिकांनी पाणीपुरवठा व्यवस्थेतील अकार्यक्षमता आणि असमान वितरणाविरोधात स्वाक्षरी मोहिमेत सहभागी होत शासनाकडे आपल्या तक्रारी पोहोचवण्याचा निर्धार व्यक्त केला.
कार्यक्रमाला महाराष्ट्र नवनिर्माण सेनेचे महाराष्ट्र राज्याचे सरचिटणीस बाळासाहेब शेंडगे, मतदारसंघ सचिव भूपेंद्र शेंडगे, संजय भोसले, शाखाध्यक्ष कुणाल करोते आणि सामाजिक कार्यकर्ते संदीप भोसले प्रमुख पाहुणे म्हणून उपस्थित होते.
आंदोलनाचे नियोजन आतिश कुहाडे, दीपक कुहाडे, निखिल बत्तेलू, स्वप्निल शेंडगे, उमेश कांबळे, तुषार खेमकर आणि गणेश तिप्पापूकर यांनी संयुक्तपणे केले.
कार्यक्रमादरम्यान नागरिकांनी मनसेच्या या लोकविषयक उपक्रमाचे स्वागत केले आणि तातडीने पाणीपुरवठा सुरळीत करण्याची मागणी केली.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
