पुणे पीसीएमसी न्यूज 24:Live
पुणे / प्रतिनिधी : काळानुसार लोप पावत असलेल्या भारतीय कला संस्कृती रूढी परंपरा याचा वर्तमान काळात विसर पडत चालला आहे. या भारतीय संस्कृती कला रूढी परंपरा जिवंत ठेवण्याचे काम गेली अनेक वर्षे आपण समाजाचे काही देणे लागतो या भावनेतून ‘ हडपसर कला परिवार ‘ या सामाजिक संस्थेमार्फत केले जात आहे . याचाच एक भाग म्हणून ‘कला परिवार हडपसर सखी मंच’ तर्फे मंगळागौर स्पर्धेचे आयोजन करण्यात आले होते. पुणे शहरातून अनेक महिला ग्रुप ने या स्पर्धेमध्ये सहभाग घेतला १६ वर्षाच्या तरुणींपासून तर ७५ वर्षाच्या ज्येष्ठ महिलांच ग्रुप स्पर्धेत सहभागी झाला होता . स्पर्धेच्या अंतिम उरुळी कांचन येथील ‘ जिजाऊ ग्रुप ‘ ला विजेता म्हणून घोषित करण्यात आले .
या प्रसंगी कार्यक्रमाची सुरुवात उपस्तीथ ज्येष्ठ नागरिकांच्या हस्ते दीप प्रज्वलन करून करण्यात आली तर कार्यक्रमाचे प्रास्ताविक माधुरी रासकर यांनी केले. त्यानंतर गणेश वंदना पुरुष नर्तक फिरोज मुजावर यांनी सादर केली.
स्पर्धेसाठी विविध ठिकाणांहून महिला ग्रुप सहभागी झाले होते. अंतिम फेरीत स्पर्धेत उरुळी कांचन येथील जिजाऊ ग्रुपने प्रथम क्रमांक पटकावला. नक्षत्र ग्रुप, लोणी काळभोर यांनी द्वितीय क्रमांक तर हिरकणी ग्रुप, हेवन पार्क यांनी तृतीय क्रमांक पटकावला.
टिंगरे नगर येथील सर्व रिटायर झालेल्या महिलांच्या ग्रुपने सुंदर सादरीकरण केले. त्यामुळे त्यांना उत्तेजनार्थ पारितोषिक देण्यात आले. कला परिवार हडपसर सखी मंचच्या वर्षभर चालणाऱ्या उपक्रमाबद्दल सर्व सदस्यांना प्रमिला लोखंडे यांच्या हस्ते सन्मानचिन्ह देऊन गौरवण्यात आले. याप्रसंगी शितल मुंडलिक यांनी उत्कृष्ट भारुड सादर केले. विजेत्यांना दत्ता दळवी, संजय ओसवाल, महेश ससाणे, बाळासाहेब केमकर, प्रमिला लोखंडे यांच्या हस्ते रोख रक्कम व सन्मानचिन्ह देऊन गौरवण्यात आले. स्पर्धेतील सर्व महिलांना सहभाग घेतल्याबद्दल नथ देण्यात आली. स्पर्धेचे परीक्षण आरती गुप्ता व स्वप्निल गायकवाड यांनी केले…
या कार्यक्रमाचे आयोजन संजीव रासकर, विनोद देशमुख, चेतना जाठवडेकर, अर्चना नाईक, शुभांगी देशमुख यांनी केले होते
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
