पुण्यात अजित पवार गटाची ताकद वाढली; विविध पक्षांतील 10 नेत्यांचा राष्ट्रवादीत जाहीर प्रवेश
हरीश शर्मा | मुख्य संपादक : 9822220090
पुणे आणि पिंपरी-चिंचवड महापालिका निवडणुकांच्या पार्श्वभूमीवर उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेस पक्षाची ताकद वाढताना दिसत आहे. शहर व उपनगरांमध्ये मोठ्या प्रमाणावर राष्ट्रवादीत प्रवेश सुरू असून, विविध राजकीय पक्षांतील एकूण 10 नेत्यांनी राष्ट्रवादी काँग्रेस (अजित पवार गट) मध्ये जाहीर प्रवेश केल्याची माहिती समोर आली आहे.
प्राप्त माहितीनुसार, शिवसेना शिंदे गट, शिवसेना ठाकरे गट, काँग्रेस, भाजप, राष्ट्रवादी काँग्रेस (शरद पवार गट) तसेच मनसे या पक्षांतील स्थानिक पातळीवरील काही प्रभावी नेत्यांनी राष्ट्रवादी अजित पवार गटात प्रवेश केला आहे. या प्रवेशांमुळे पुणे शहरातील राजकीय समीकरणांमध्ये मोठे बदल होण्याची शक्यता वर्तवली जात आहे.
दरम्यान, आगामी महापालिका निवडणुकांसाठी पुणे आणि पिंपरी-चिंचवड महापालिकेत राष्ट्रवादी काँग्रेसचे दोन्ही गट एकत्र निवडणूक लढवणार असल्याची राजकीय वर्तुळात चर्चा सुरू आहे. उपलब्ध माहितीनुसार,
तुतारी (शरद पवार गट) सुमारे 40 जागांवर निवडणूक लढवणार आहे,
तर घड्याळ चिन्हावर (अजित पवार गट) सुमारे 125 जागांवर उमेदवार उभे राहणार असल्याचे बोलले जात आहे.
या घडामोडींमुळे पुणे आणि पिंपरी-चिंचवडमधील राजकीय वातावरण तापले असून, सध्या तरी राष्ट्रवादी काँग्रेसचे पारडे हळूहळू जड होताना दिसत आहे. मात्र, अंतिम चित्र उमेदवार याद्या, युतीची अधिकृत घोषणा आणि प्रचाराच्या दिशेवर अवलंबून राहणार असल्याचे राजकीय विश्लेषकांचे मत आहे.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
