खडकी कॅन्टोन्मेंट | प्रतिनिधी : दि. 21 मार्च 2026 वंदे मातरम् संघटना खडकी विभाग च्या वतीने सालाबादप्रमाणे यंदाही 23 मार्च रोजी भव्य रक्तदान शिबिराचे आयोजन करण्यात आले आहे. शहीद भगतसिंग, सुखदेव आणि राजगुरू यांच्या 95 व्या बलिदान दिनानिमित्त, तसेच संघटनेच्या 43 व्या वर्धापन दिनानिमित्त आणि ‘वंदे मातरम्’ गीत निर्मितीच्या 150 व्या वर्षानिमित्त हा उपक्रम राबविण्यात येत आहे.
सदर रक्तदान शिबिर सोमवार, दिनांक 23 मार्च 2026 रोजी सकाळी 9.00 ते सायंकाळी 5.00 या वेळेत आझाद मित्र मंडळ, लक्का वाडा, घोरपडे मैदान शेजारी, खडकी, पुणे येथे पार पडणार आहे.
गेल्या 43 वर्षांपासून वंदे मातरम् संघटना समाजोपयोगी उपक्रम राबवत असून, प्रत्येक वर्षी रक्तदान शिबिराचे आयोजन करून समाजसेवेची परंपरा जपली आहे. कोरोना महामारीसारख्या कठीण परिस्थितीतही नियमांचे पालन करत शिबिर आयोजित करून गरजू रुग्णांना जीवनदान देण्याचे कार्य अखंड सुरू ठेवले आहे.
संघटनेतर्फे नागरिकांना मोठ्या संख्येने सहभागी होण्याचे आवाहन करण्यात आले आहे. “रक्तदान हेच जीवनदान” या संदेशातून एका थेंब रक्तामुळे एखाद्याचे प्राण वाचू शकतात, अशी भावना व्यक्त करण्यात आली आहे.
शहीदांनी देशासाठी प्राण अर्पण केले, त्याचप्रमाणे नागरिकांनी रक्तदान करून समाजासाठी योगदान द्यावे, असे आवाहन आयोजकांनी केले आहे. या शिबिरात सहभागी होऊन गरजू रुग्णांना नवीन जीवन देण्यासाठी नागरिकांचा सहभाग अत्यंत महत्त्वाचा ठरणार आहे.
रक्तदान विषयी संपर्कासाठी :
राजेश शर्मा – 9881546916
शिरीष रोच – 9822816441
राजेश काकडे – 9766166661
राजेश राजपूत – 9960363968
“शहीदांनी रक्त दिलं देशासाठी… आता आपण रक्त देऊया माणुसकीसाठी!”
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
