पुणे पीसीएमसी न्यूज 24:Live
बालेवाडी आगारातील बसचालक-वाहकाकडून दोन विद्यार्थ्यांचे बसपास काढून घेण्याची घटना; पालकांना धमक्या, मनसेकडून तीव्र निषेध
औंध / प्रतिनिधी: दि. १५ ऑक्टोबर
बालेवाडी बस डेपो अंतर्गत चालणाऱ्या बस क्रमांक MH 12/1223 तसेच म्हाळुंगे ते मनपा क्रमांक 114 या बसमधील चालक आणि वाहकाच्या गैरवर्तनामुळे दोन विद्यार्थ्यांना बसपास नसल्याने शाळेत जाणे अशक्य झाले आहे. या पार्श्वभूमीवर महाराष्ट्र नवनिर्माण सेनेच्या वतीने पीएमपीएमएल प्रशासनाकडे निवेदन देण्यात आले आहे.
घटना दिनांक ८ ऑक्टोबर २०२५ ची असून सकाळी सुमारास ग्रीनपार्क हॉटेल बसथांबा येथे भारत इंग्लिश स्कूल, शिवाजीनगरचे इयत्ता ९ वीचे दोन विद्यार्थी
आदित्य संतोष चव्हाण (वय १४)
व कृष्णा युवराज निंबाळकर (वय १४)
बसने प्रवास करत होते. प्रवासादरम्यान कृष्णा याला उलट्या होऊ लागल्याने तो बाणेर फाटा येथे उतरला, त्याचबरोबर त्याचा मित्र आदित्यही त्याच्यासोबत उतरला. याच वेळी बसचालक आणि वाहकाने दोन्ही विद्यार्थ्यांचे बसपास जप्त केले.
यानंतर विद्यार्थ्यांच्या पालकांनी बालेवाडी आगार येथे जाऊन वारंवार तक्रारी दिल्या, मात्र तेथील अधिकाऱ्यांनी दाद न देता “पोलिसांकडे देऊ” अशी धमकी दिल्याचा आरोप मनसेने केला आहे.
या घटनेमुळे दोन्ही विद्यार्थी परीक्षा काळात शाळेत जाऊ शकले नाहीत. आदित्यचे वडील रोजंदारीचे काम सोडून दररोज दुचाकीवरून विद्यार्थ्यांना शाळेत पोचवत आहेत.
मनसेचे शहर उपाध्यक्ष सुहास निम्हण यांच्या नेतृत्वाखाली हे निवेदन मा. पंकज देवरे, अध्यक्ष व व्यवस्थापकीय संचालक, पीएमपीएमएल, स्वारगेट, पुणे यांना देण्यात आले. तसेच याची प्रत आमदार चंद्रकांत पाटील आणि आमदार सिद्धार्थ शिरोळे यांना रजिस्टर पोस्टाद्वारे पाठविण्यात आली.
मनसेने प्रशासनाला विचारले आहे की, “बसचालक व वाहकास विद्यार्थ्यांचे पास काढून घेण्याची परवानगी कोणी दिली?” तसेच २४ तासांच्या आत विद्यार्थ्यांचे पास परत देण्याची मागणी केली आहे.
मनसेने इशारा दिला आहे की, “जर पास परत न दिल्यास आणि विद्यार्थ्यांना काही अनुचित घडले, तर संबंधित अधिकारी आणि कर्मचाऱ्यांवर सर्वस्वी जबाबदार असतील. तसेच मनसे स्टाईल आंदोलनाचा सामना करावा लागेल.”
याप्रसंगी संदीप काळे, शिवम दळवी, मिलन भोरडे, गोकुळ अडागळे, विकास मोहिते, किशोर इंगवले आदी पदाधिकारी उपस्थित होते.
मुख्य संपादक – हरीश शर्मा.
नमस्कार 🙏 मी हरीश शर्मा ( पत्रकार ) गेली 15 वर्षे पुणे शहर व जिल्ह्यातील महत्वाच्या घडामोडींवर ग्राउंड लेवल वर पुण्यातील प्रसिद्ध वर्तमानपत्रात बातमीदारी केली असून यासाठी मला अनेक पुरस्काराने सन्मानित करण्यात आले तसेच कोरोना काळात ही जीवाची पर्वा न करता प्रामाणिक पत्रकारीता केल्याबद्दल ही ‘कोरोना योद्धा ‘ पुरस्काराने ही विविध संस्था संघटना ने सन्मानित केले . पत्रकार संघ तसेच ‘मुंबई वृत्तवाहिनी वृत्तपत्र पुणे जिल्हा शहर उपाध्यक्ष’ पदी असताना ही उल्लेखनीय कामगिरी केली आहे हे सर्व करत असताना आता थोडस वेगळं काहीतरी करायची इच्छा आहे मित्रांनो यापुढे ही न्युज पोर्टल चॅनेल च्या माध्यमातून माझ्या हातून चांगले कार्य व ताज्या घडामोडींवर प्रखर प्रकाश पडावा व माझ्या हातून निष्पक्ष निर्भीड बातमी यासाठी तुमच्या सर्वांच्या आशीर्वादाची अपेक्षा करून चॅनेल चा श्री गणेशा करीत आहे. यासाठी आपले पाठबळ कायम माझ्या पाठीशी राहील ही अपेक्षा करतो. 🙏
